| موضوع آفة العصر الشات/لمشاطيه | |
|
+4علي مفتاح حميد بركي رشيدة فقري نجيب أمين 8 مشترك |
كاتب الموضوع | رسالة |
---|
نجيب أمين زجال مشارك في ديوان"عرصة لكلام"
عدد الرسائل : 655 تاريخ التسجيل : 28/07/2009
| موضوع: موضوع آفة العصر الشات/لمشاطيه الأحد نوفمبر 08, 2009 7:37 am | |
| بدوري أدلي بدلوي وأقترح موضوع آفة العصر الشات/لمشاطيه من خلال الميساجات التالية
هو:
message 1
مني ليك حديث
ماعرفوه لوالا
ما حسوه توالا
حديث ف لبال
دار حاله
هي:
message 2
حالتي حاله
وزايدني جيلاله
وصحاب لحال
نازلين في كَواله
هو
message 3
أنا بعدا
ما هزوني
جيلاله
ماهولوني
صحاب لحال
نبغيك أ روحي
موت وهبال
ولـّي بغى يتكَال
يتكَال
.......... هكذا الصولد
ضــــــــــــاع
فلمشـــــــاطيه
وحديثنا
سار غنا
وحنــــا
بقينا ف لمحنه...
| |
|
| |
رشيدة فقري شاعرة إدارة عامة أمينة الصندوق للجمعية
عدد الرسائل : 1208 تاريخ التسجيل : 25/12/2007
| موضوع: رد: موضوع آفة العصر الشات/لمشاطيه الأحد نوفمبر 08, 2009 12:19 pm | |
| الله عليك اخي نجيب فكرة طريفة وغير مسبوقة ابدعت لنا ما رايك ان نتخذ هذه الفحة لابداع مساجات زجلية خفيفة ظريفة؟ فالتجديد يعطي نفسا للكتابة لك تقديري الكبير اختك رشدة فقري | |
|
| |
نجيب أمين زجال مشارك في ديوان"عرصة لكلام"
عدد الرسائل : 655 تاريخ التسجيل : 28/07/2009
| موضوع: رد: موضوع آفة العصر الشات/لمشاطيه الأحد نوفمبر 08, 2009 6:32 pm | |
| - رشيدة فقري كتب:
- الله عليك اخي نجيب فكرة طريفة وغير مسبوقة
ابدعت لنا ما رايك ان نتخذ هذه الفحة لابداع مساجات زجلية خفيفة ظريفة؟ فالتجديد يعطي نفسا للكتابة لك تقديري الكبير اختك رشدة فقري أختي رشيدة على الرحب والسعة ...على بركة الله ....في انتظار أن يشحذ الجامعيون أقلامهم ...تحية ود واحترام | |
|
| |
حميد بركي شاعر
عدد الرسائل : 626 تاريخ التسجيل : 24/05/2007
| موضوع: رد: موضوع آفة العصر الشات/لمشاطيه الأحد نوفمبر 08, 2009 8:32 pm | |
| مني ليك كلام ديزو لكلام
جيتينا بصفحة بيضة وحنا عند الوعد بقلامنا نمليوها تزمام | |
|
| |
رشيدة فقري شاعرة إدارة عامة أمينة الصندوق للجمعية
عدد الرسائل : 1208 تاريخ التسجيل : 25/12/2007
| موضوع: رد: موضوع آفة العصر الشات/لمشاطيه الأحد نوفمبر 08, 2009 8:43 pm | |
| هو هذا ثالت مساج يا زينة البنات ما رديت ما عرفت حبيبتي كيف بقات ردي علي طمنيني يا نور الحياة هي وصلوني دوك العزاز من ميساجات لكن يا ليعة قلبي التعبئة سالات
ههههههههههههههههههه | |
|
| |
علي مفتاح زجال وباحث في القصيدة الشعبية كان له دور كبير في تفعيل أركان جامعة المبدعين المغاربة
عدد الرسائل : 389 العمر : 59 تاريخ التسجيل : 21/06/2009
| موضوع: رد: موضوع آفة العصر الشات/لمشاطيه الإثنين نوفمبر 09, 2009 12:31 am | |
| - رشيدة فقري كتب:
- هو
هذا ثالت مساج يا زينة البنات ما رديت ما عرفت حبيبتي كيف بقات ردي علي طمنيني يا نور الحياة هي وصلوني دوك العزاز من ميساجات لكن يا ليعة قلبي التعبئة سالات
ههههههههههههههههههه هو : شريت الموديم بالفلوس غراضي ف السكايب و ليميسين الحالة عيانة و الجيب مسيوس نقلب على زهري فين كاين
salut أنا محسن ولد الوازيز عندي حديدة و تيليفون mes parfums من باريس و بزينك يا لالة مفتون
هي
cyber صباح و عشية عياها البيكوز و السورجي طامعة ف لعريس و الهدية تسنى سعدها وقتاش يجي
re أنا مُنى بنت كاليفورنيا pas d enfants divorcée الى بغيتيني بالنية نتزوج بك حسي مسي
نحن
هضور هي وزواق الكذبة ف لوجوه صباغة لكلام بينا ولا نفاق و العشرة زفطة و ملاغة
هم
فيرمة امي حليمة كيف عادتها ديما لابسة توبها لخضر سارح فيها بنادم و بقر | |
|
| |
ياسين مصطفى جميل زجال مشرف شارك في ديوان "نوافذ عاشقة
عدد الرسائل : 485 Localisation : الدار البيضاء تاريخ التسجيل : 19/02/2009
| موضوع: رد: موضوع آفة العصر الشات/لمشاطيه الإثنين نوفمبر 09, 2009 6:13 pm | |
|
هــو :
الّـّّراس بالهـدرة الخاويــة عامــر
ولوحـة لحروف بالدق تمحــات
بالنهـار يفكــر وبالليــل ساهـــــر
شحـال قــدك ما تعـد مـن شـات؟
صحــاب لعقــل عرفـــوا لبحـــر
ومــن قاعــو خرجـــوا لكنـــــوز
وهـو قتـل الوقــت بلا ما يشعـــر
تـاه مــع لكــلام بالكذبة مطــروز
هــي :
شحال قدها ما تزوق ف الظــلام
الـوردة العطشانـة ورقهــا ذابــل
ورا الشاشـة مبسمـة بزين لكـلام
السويع تجري شكون اللي عاقل؟
الصبعــان ترفـرف ولعقل يفكـــر
والقلــب يتمنـــى، ربـــي يعلــــم
والضحكــة تخبــي عيوب الســـر
إمـا تخــدع وإما يتحقـــق الحلـــم
| |
|
| |
زايد التجاني مشارك في الأضمومة القصصية حتى يزول الصداع
عدد الرسائل : 593 تاريخ التسجيل : 06/08/2009
| موضوع: الشات.. الإثنين نوفمبر 09, 2009 11:08 pm | |
| الشات ..
تعالَََ تشوف حال السيبيرْ مابقات اليومَه قـْْـرايه الدريَّّه طالقه شعور حْْـرير ريحة الحب عطات مََ البْـدايه لاخرْْ مْقابلها يضحك ب صوت جْهير الدْْخاخن طالعه تڭول فمّّو شْـوﱠايه يحلف وعاودْْ : جيتك اليومََ نـْصير نتعاونو علْ الزمان نرفعوا ف الرﱠايه الحْْمامه دْيالي راني بيك نطيرْْ تعالي تعيشي فْ بحري وسْمايه
المسكينه عياتْ تسنى ف عْـشير كيف المريض ڭالت هادا دْوايَه ساعَه النمرود طلع حْـقير شبعْ مني أصبحت ما صْبح حْدايه
السهم المسموم صاب الصغير أ الكبيرْ مْصيبتنا مْصيبه لا تڭولو حجّّـايه
مودتي | |
|
| |
البوعليوي عبد السلام مشارك في ديوان "عرصة لكلام"
عدد الرسائل : 474 تاريخ التسجيل : 07/05/2008
| موضوع: رد: موضوع آفة العصر الشات/لمشاطيه الثلاثاء نوفمبر 10, 2009 10:24 pm | |
| وخ جيت معطل وهاد لكلام كتبت من قبل
هو bonjour يا فتات قلبي aime toi hier فين امْشتي خليتي بالي avec toi j'atent منْ صْباحْ واشْ مافْبالكْ moi est ce que أنتي ما فَكرْتي قولي جايا ماجايا avec choix comme ca اسْمحْ ليكْ الضميرْ ساعْتَيْن vous laissez moi maintenant انسيتْ ca ماتْعاوديشْ une autre fois من ْاليومْ l'heureسي l'heureماشي ساعْتَيْن وتجيني ف deux mois
هي
ماتقلق يا مونامور راني كنت فلي كول واسمحني راني عندي راندفو فالبور باي باي باي باي *********** هدي عادت اولاداليوم النخوة والفيش الخاوي وقتهم كيف ايامهم بالكدوب وتلاوي | |
|
| |
زائر زائر
| موضوع: رد: موضوع آفة العصر الشات/لمشاطيه الأربعاء نوفمبر 11, 2009 12:07 am | |
| Bsr ca va chkoun m 3aya Ana Ahmed 60ans men tarfaya Wa nti ya hbibti bghitek tkouni hdaya Je t’aime bezzaf bezzaf Wach tzawji biya ,rah lawlia matet liya
Labass 3lik ana sa3diya 23ans fi omri ,ya nour 3iniya Tji 3andi wala 3andak ,ach tjib li men hdiya Hata ana je taime fi sbah o 3chiya
Et oui c’est comme ca presque toujours , combien de gens passent leur temps pour un niveau très bas de discussion , des malades mentales ,dépourvus de leur conscience, c’est malheureux , au lieu d’en tirer le savoir , la connaissance , la culture des autres ,l’échange des idées, on voit des mômes qui donnent une mauvaise image du tchat . bref ce n est que mon poins de vue
merci ,votre soeur Malak |
|
| |
نجيب أمين زجال مشارك في ديوان"عرصة لكلام"
عدد الرسائل : 655 تاريخ التسجيل : 28/07/2009
| موضوع: هدية لكل من مر من هنا مشاركا أو قارئا الأربعاء نوفمبر 11, 2009 7:42 am | |
| هدية لكل من مر من هنا مشاركا أو قارئا راس الدرب لكم فرصة الإكتشاف مودتي وتقديري | |
|
| |
رشيدة فقري شاعرة إدارة عامة أمينة الصندوق للجمعية
عدد الرسائل : 1208 تاريخ التسجيل : 25/12/2007
| موضوع: رد: موضوع آفة العصر الشات/لمشاطيه الخميس نوفمبر 12, 2009 11:33 pm | |
| هههههههههههههههههههه عرفتو كاينة امكانية ارسال مساج للتلفون من الحاسوب وبالمجان راه كاين بزاف المستفيدين من تخريب اخلاق شبابنا وكن غير الشباب راه حتى الكهول المتصابين الله يستر العاقبة وصافي اختكم رشيدة | |
|
| |
زائر زائر
| موضوع: شكر للجميع على هده الرائعة السبت نوفمبر 21, 2009 12:35 am | |
| اولا اود ان اتجه بالشكر للجميع على هده الرائعة و ارجو ان تتقبلو مني هذه المخطوطات هو من الصباح وانا في الشات نقلب عللبنات لقيت غي لمأدبات او ما لقيت لا عقرب لا حية قلت راه المجدوب مات و كدوب ما قال عل لعيالات كلهم غي لمأدبات و يعجبوك في التحية لكلام لمأدب بلا غوات او بغات تكمل نصف الحيات و مع اللي ترتاح معاه الدّات و الدّير اسرة ميثالية
هي ماما انا في النّيت من شقى راني عييت و تقهرت ببروك البيت شوفي ليك شي خدّامة كانشاطي مع واحد لفيكتيم قال لي راه راجل يتيم و فصورتو شحال وسيم او معقول ما فيه فهامة
الام رودّي بالك من الرجال را يغرّوك بالحب و المال حيت شبابك يدبال يرميوك رمية لقمامة غي جيبيه نهز لو لعفطات و ندور بيهم على الشّوّافات يروح الليل حداك يبات و نحيدو منّو الزعامة
اخواني هده فقط البداية و اذا راقتكم اتخد لها نهاية و شكرا على هذا الموضوع و كذالك الشكر للأخ علي مفتاح على هذه النافدة |
|
| |
رشيدة فقري شاعرة إدارة عامة أمينة الصندوق للجمعية
عدد الرسائل : 1208 تاريخ التسجيل : 25/12/2007
| موضوع: رد: موضوع آفة العصر الشات/لمشاطيه السبت نوفمبر 21, 2009 1:00 am | |
| هو كيف ننعس والليل علي طوال وطيفك ساكن دواخلي بالهبال جاوبيني يا العمرعلى هاد السؤال واش نعست ولا مازال؟
هي
الى نعس الحوت في البحر انا ننعس راني سهرانة مع طيفك وبه نتونس والنوم خليه للي ما عندو قلب يحس | |
|
| |
زائر زائر
| موضوع: شكر للجميع على هده الرائعة السبت نوفمبر 21, 2009 8:30 pm | |
| هو راني بغيت ليك نشوف راه تقاداو لحروف حيت نشوفك يزول الخوف او تحلى الهضرة و لكلام تمّ يتطلق اللسان و تعرفي شحال انا ولهان او بي قربي تلقاي الآمان و نعيشو بجوج ما بقى لينا فليّام
هي لو كان تعرف شحال انا باركة علجمر في الدار ما بقيت نتكلّم و لا نهضر حتى انا بغيت نشوفك راه تقادى الصبر لكن desolé حيت انا بنت لحكام جيب واليديك او جي عندنا لدّار نستقبلوكم بالدّقّة و النّفّار او تدّيو معاكم لخبار تكون الخطبة و العرس على عام
يتبع |
|
| |
رشيدة فقري شاعرة إدارة عامة أمينة الصندوق للجمعية
عدد الرسائل : 1208 تاريخ التسجيل : 25/12/2007
| موضوع: رد: موضوع آفة العصر الشات/لمشاطيه الثلاثاء أكتوبر 18, 2011 12:01 am | |
| احبتي كثر علي الشغل وقلت نرجع لمواضيع الجامعة القديمة نتفكر ايام زمان ونرتاح ولقيت هاد الموضوع والله ضحكت حتى عييت وقلت نعاود نطلعو لفوق من يدري يعجب اعضاءنا الجدد متهملوهش راه طريف ومسلي ونيت الواحد يتدرب على الكلام المساوي محبتي اختكم رشيدة | |
|
| |
مصطفى رضوان مشرف ..عضو حركة الحواس الخمس الأدبية
عدد الرسائل : 948 تاريخ التسجيل : 22/05/2008
| موضوع: رد: موضوع آفة العصر الشات/لمشاطيه الثلاثاء أكتوبر 18, 2011 3:31 am | |
| شكرا لك سيدتي رشيدة فقري فراشى الجامعة على إحياء هذا الموضوع أتمنى أن يتفاعل نعه باقي الأعضاء لتعم الفائدة | |
|
| |
رشيدة فقري شاعرة إدارة عامة أمينة الصندوق للجمعية
عدد الرسائل : 1208 تاريخ التسجيل : 25/12/2007
| موضوع: رد: موضوع آفة العصر الشات/لمشاطيه الجمعة أكتوبر 21, 2011 12:12 am | |
| كلي امتنان يا اخي مصطفى رضوان وكما ترى انا ادعو معك ان يتواصل الاعضاء مع هذا الموضوع الطريف والشيق محبتي اختك رشيدة | |
|
| |
رشيدة فقري شاعرة إدارة عامة أمينة الصندوق للجمعية
عدد الرسائل : 1208 تاريخ التسجيل : 25/12/2007
| موضوع: رد: موضوع آفة العصر الشات/لمشاطيه الأربعاء أكتوبر 26, 2011 1:32 am | |
| الله يا ربي مال طيور الحرف هجرات رسامي
| |
|
| |
| موضوع آفة العصر الشات/لمشاطيه | |
|