كلموني انا

مليكة امصاد كتب:

كلموني انا

كلموني انا ع الحب ولغرام
قلت لهم يا سيادي
شكون يتسكن به
غيرمعشوق بحالي

كلموني انا ع لحزان
قلت لهم يا سيادي
من الدنيا نكيل شلا محان

كلموني انا ع لعطف ولحنان
قلت لهم يا سيادي
قلبي به مسكون
عليه نتسارى ف كل مكان

كلموني انا على ذاك الانسان
قلت لهم يا سيادي
مصايبه شلا،
الله يكون له ف لعوان
لهو بمشيته ولا زين لحمام

شكون انا بديت نسال
قالو حجاية ،
ليها من لماضي شلا
ومن لحاضر محال

كلموني انا ع الضمير
واش باقي حي ولا محال
صاح الضمير وقال
برك علي من كثرة السؤال

شوف حالك يا ذاك الانسان
اصبحت عديم الثقة والامان
صرت عبد للذل والمهان
تباعت كرامتك ف سوق انخاسة

عليها يتزايدو ف الدلالة
شكون لقوي واش انت
وانت
الاخر
ولا انا

او كلموني انا عل امصاد
قلت لهم زادت الشدة على الضاض
او قالت لهم باركة من لعناد
تعالو نوقفو لخزانة و نتبتو لوتاد
ايديك في ايدي انا و نّظمو لبلاد
نربيو لولاد
و نزولو لفساد
الله همّ صلّي على سيدنا محمد صلّى الله عليه و سلم

تبارك الله علك اختي