مْغَازَلْ الصُّوفْ...

مْغَازَلْ الصُّوفْ

مْغَازَلْ الصُّوفْ
هَزَّتْهَا الرَّعْدَة
تْلَفْ غْزِيلْهَا
فِبْطَايْنْ عْطَاتْ رِيحَتْهَا
والْقُرْشَالْ يَنْذَبْ
فِصْفَاهَا
عْلَى دْمُوعْ لَمْرَا الْعَاگْرَة
مُولاتْ لُوشَامْ الرْگِيگْ
الظَّافْرَة سْوَالَفْهَا
عْلَى عَتْبَةْ الْحَوْمَة.. الْمَجْلِيَّة
وشْمَارْ الْحَادْگَة
قَطْعَاتُو الْمَحْنَة
وجْلَايْلْ الْقَفْطَانْ الْبَلْدِي
هَزَّتْهَا الرِّيحْ الْمَجْنُونَة
وحْزَامْهَا
مْضَمَّةْ الصَّمْ
بِالزّْقَلِّي ولَحْرِيرْ
رَشْگَتْهَا لَبْرَا
وعَيْنْ شْرِيرْ
دَّاتُو اِيَّامْ زْمَانْ
وجَابْتُو اِيَّامْ هَاذْ الزّْمَانْ
حَاسَدْ..
كَاوِي..
سَارَحْ..
يْعَدّْ غْرَايْبُو
فِسْوَاقْ سْوَارْهَا رَابَتْ
بْزَلْزَالْ الْمُنْكَرْ
والْمَنْجَجْ وْقَاقْفُو
سَوْسَتْ
وعْلِيهَا الْعَنْكْبُوتْ
نْسَجْ خْيُوطُو.. لَحْزِينَة
وقْرَاقَبْ الْخُلْخَالْ
تْلاشَاتْ مْعَ خْيُوطْ النِّيرَة
وصَوْتْهَا وَلَّى مُحَالْ
ومْشَطْ لالَّة
سْنَانُو حْفَاتْ
ورُوحْ الْمَنْجَجْ
قَنْدِيلْ طَافِي
مُوَّالْ وقْوَافِي
ورْكَانْ الْبِيتْ
سْكَنْهَا الْخَوْفْ
وگَلْبْ لالَّة مَسْكِينْ
اصْبَحْ جَافِي.

زائر

VRAIMENT CE QUE JE VIENS DE LIRE LA EST UNE VRAIE BEAUTE

BRAVO POUR TES ECRITURES ET AUSSI POUR LE RICHE VOCABULAIRE

ACCEPTES MON MODESTE PASSAGE

TON AMIE DE PLUME

KADI TOURIA

تحية صادقة
شكرا اختي الجليلة ثوريا على كلماتك الرقيقة
عيد مبارك سعيد وكل عام وانت بخير
مودتي

محمد مومر

أخي الزجال محمد مومر

أولا أرحب بك وبحروفك الجميلة في هذا الركن
زجلية رائعة، ركبت سطورها الجميلة بحروف مستوحاة من تراثنا الشعبي العريق
وجودك نور هذا المنتدى أخي

مودتي الصادقة

الأخ الزجال السي محمد مومر ...

كتبه حايله بكلام بلدي رزين راوي...

شكرا لإشراقتك الزجلية البهية...

إحترامي وتقديري

تحياتي الصادقة لك اخي العزيزياسن مصطفى ياسين واخي المحترم نحيب لمين

شكرا على مرزركم البهي وشهاداتكما الوفية ...فهي دعم للزجل والزجالين

عيد مبارك سعيد

مودتي واخلاصي