الدلو خو لبير

الدلو خو لبير
و الشيتة أخت الجير
آجي آخويا

والا ماعجبك كلامي سير
نعلمك ما علمني الزمان
نوريك ما تدير
*************
خد بنت الخير
خبزها خامر ما هو فطير
كان من قمح ولا من شعير
تكون زينة التفكير
لبيبة تعرف ما تدير
يكون شعرها كثير
رطب تقول حرير
يكون راسها صغير
ويكون قلبها كبير
***********
تكون ونيسة فالسهير
مشيشة فوق السرير
تكون تحسن بالتشمير
ماشي عاطياها للشخير
والكذوب والنكير
والمعيور و النكير
نقاها يبان من النشير
والصحة تبان من العصير