اللي قال العصيدة باردة
يحط يدو فيها...
واللي قال حالنا مقادة
الله يبليه بيها...
اللي جاهل علمادة
الله يطليه بيها...
حنا ما باغين الدنيا
حنا باغين ماليها..
********
بنادم هو الدوايا هو القلم
هو اللوح هو الصلصال
بلا بيه ما يدوم علم
بلا بيه ما يتفك خبال
علاش نسجدو لدرهم
علاش نركعو لريال
علاش نهزو الهم
ونفوتو صبر الجمال
***********
الدنيا لو تدوم ...
كانت للولين دامت
يطلع عليك يوم
والربيع فوق قبرك نابت
تحت الشتا...تحت الشوم
والنبقة فوقك طابت
**********
فيق...
قيمتك فداتك
ماشي في جيبك
نهار تبلى كساتك
يبان للناس عيبك
******
نور راسك و قرا لكتب
بهاد الشي تكون انسان
ورضا بالنصيب والمكتوب
كيف وصاو ناس زمان
********
الحليب ما صفاه و يروب
يدل...
يكجكج عليه الدبان
الدنيا كحل من الخروب
وانت داير ليها الشان
عاطيها الماكلة و المشروب
باش نفرقوك عالحيوان
