الرحى والقرشال
الدمع من عيني نزل
و على خدي سال
نفسي طرحت عليه سؤال
ملي شفت هذاك المغزل والقرشال
طحت ليا في البال أنت يا الميمة
أنت خداك الله وهو في مكان مازال
لمن يسول عليه طواه النسيان
وأنا كنشوف فيه صورتك و الخيال
وشكون يعرف ليه
من غيرك يا الميمة
خليتي في جنب حتى الرحى والغربال
لي خبزهم بشهوة من يديك يتكال
غير نشوفهم ونتذكر أيام زمان
ملي كنت في جنبي يا الميمة
أنت لي الصوف في يديك حرير
و المغزل بسرعة في يديك داير
و تقرشيلك تحير فيه العين
و الرحى تدور بغناك الزين
يا مولات القلب الكبير
أنت يا أحظان الخير
أنت يا الميمة
الزجال
سعيد محمودي
