مرابط الخيل....

مْرَابَطْ الْخَيْلْ

مْرَابَطْ الْخَيْلْ
الْمَهْجُورَة.. خْلاتْ

تْرَابْهَا جْلاتُو الرِّيحْ
... ومْشَاتْ

اوْتَادْهَا يْتِيمَة..
وحْبَالْهَا رْشَاتْ

لْجَامْهَا وگْيَادْهَا..
عْلِيهُمْ الشَّمْسْ غَرْبَاتْ

الْعَزّْ طْوَى سَلْهَامُو..
... فَگْعَانْ

عْلَى جْنَابْ لَفْضِيحَة..
... هَرْبَانْ

يَعْثَرْ عْلَى خْبَارْ قُومَانْ..
... وقُومَانْ

والزّْمَانْ شَادْ رَاسُو..
يَبْكِي عْلَى هَاذْ الزّْمَانْ

الْغَيْرَة دَفْنَتْ حْرُوفْهَا..
فْرَوْضَةْ النِّسْيَانْ

لَعْقَلْ تَايْهْ فَدْرُوبْ..
الْفِتْنَة حَيْرَانْ

ولَهْبِيلْ سَارَحْ الْمَعْنَى..
يَنْظَمْ لَمْعَانْ

ومُولْ لَعْقَلْ
يَحْلَبْهَا حْلِيبْ..
نْشُرْبُوهْ قَطْرَانْ

الْمَعْنَى بَايْنْ..
لا فَائِدَة فِالتِّكْرَارْ
... وكَانْ للِّي كَانْ.

غابوا لرفاگ
ب خيول صايله
تشفي لسقام لحايله
ريح ينفنف
حال يتلّف
غاب زمامها
ولعز
أخي السي محمد مومر شكرا على االإمتاع....
تحيتي

عز الخيل ف مرابطها
ولمرابط بلا خيل

كيف الليل لكحل
بلا قنديل

فيه الخوف فيه
الويل

فيه اللغى مسموع
واللسان ثقيل

أخي العزيز سي مومر تقبل تفاعلي المتواضع مع نصك الجميل
تحياتي الخالصة

الاخ الجليل محمد مومر شكرا على هذه الامثال وهذه الصور الجميل
وهذه القصيدة الممتعة امتعتنا يا أخي
تقديري

الزجال المحترم محمد مومر

شكرا على هذا النص الممتع
تقديري

شكرا لكم على هده الاطلالة الرقيقة والمعبرة
تحياتي

» مرحبا بالمبدعة أمال مرابط
» الخيل والخير
» عز الخيل مرابطها
» مكانة الخيل في الإسلام