مالك خيي

مالك خيي
دْموعَكْ تْسيلْ وْ بَاكِي
نْحيفْ وْ صوتَكْ شَاكِي
تَرْجَفْ
وَجْهَكْ صْفارْ وْ تْقاسِي
مَالْ قَلْبَكْ مْزَيَّرْ
وْ راسَكْ مَا رَاصِي
عَايَشْ وْحْدَكْ
وْ عْلاشْ تْعانِي

عْرَفْتَكْ مَنْ زْمانْ
مَنْ الزّْمانْ الْوَارِي
جَاتْ لَقْدارْ
وْ بَنْتِي لِي فَخْيالِي
دْخَلْتْ لَسّْواقْ
وْ جْريتْ السّْواقِي
وْ قْريتْ فْعَيْنيكْ
عْذابْ شْواقِي
مَا نْفَرْقَكْ
مَا نْخَبَّعْ عْليكْ سْراري
مَا نْعاوَدْ لْحَدْ
سَرَّكْ فَعْماقي
شْحالْ خَفْتْ عْليكْ
وْ خوفي زادْ مْحاني
خْديتْ بَنْديري
وْ غَنِّيتْ الْهامـي
لَلْغادي
لَلْماجي
نَحْكي لَمْعاني
نْقَلَّبْ عْلَى طْبيبْ
يْعالَجْ
سْقامَكْ وْ سْقامي
أَنَا فْهَمْتْ الدُّورْ
انْتَ مَجْدوبْ بْحالِي