خْيُولْ لََوْهَامْ

خْيُولْ لََوْهَامْ

عَدَّيْــتْ عْيُوبْ ٱلْبَلْيَـة وُضْحَكْــتْ

قُلْـتْ نْجَيْـتْ وُنَوَّعْـتْ ضَحْكَاتِـــي

دَازَتْ لَيَّـامْ .. بْحَالْهَا تَغْرَمْـتْ

وُغْرَايْبْهَا لَكْثِيرَة سَكْنَـتْ حْيَاتِـي

تْبَعْـتْ خْيُـولْ لَوْهَـــامْ نَجِْــري

نْقَلَّبْ عْلَى ٱلْهَمَّة وَسْـطْ التْـرَابْ

ٱلْقُلَّـة خْوَاتْ، فِينَـك ْآزَهْــري؟

لَحْيُـوطْ عْــلاَتْ وُتْسَــدْ ٱلْبَــابْ

تْعَلَّمْـتْ أرْقَامْ خْيُــولْ ٱلظْــلاَمْ

عَمَّرْنِـي مَا كُنْـتْ عَـارَفْ لَحْسَـابْ

وْلاَ عَمَّرْنِــي صَدَّقْــتْ لَكْـــــلاَمْ

شْكُونْ عَلَّمْنِي قْرَايَةْ هَاذْ لَكْتَابْ؟

تَبْلَيْـتْ وُعْشَقْـتْ حْـرُوفْ ٱلْوَرْقَـة

دَخْـتْ مْعَ لَخْيُـولْ وُنْسَيْـتْ حَالِـي

وَخَّـا تْـدَقْ فْ بَابِـي ألْـفْ دَقّـَة

مُحَـالْ نْصِيحْتَـكْ تْفَيَّــقْ بَالِــي

عَشِّـي بْنَيْتُو بدَمْ عْـرُوقْ جْفَايَا

وُحْمَامَةْ ٱلْعَشْ بجْنَاحْهَا دَفَّاتْنِـي

شْحَالْ قـَدْ صْبَرْهَا يْطُـولْ مْعَايَا؟

خَفـْتْ مَنْ لَيَّامْ تـْرُوحْ وُتْفُوتْنِـي

نَحْلَـفْ وَنْقُـولْ غِيرْ هَـاذْ ٱلْمَـرَّة

وَالزْمَـانْ فْ صَابَـةْ لَعْمَرْ حَصَّـادْ

شْرَيْـتْ بعَقْلِي الْهَـمْ وَالْقَهْــرَة

وَالصَّابَـة كَرْمَـتْ، وُجَـفْ ٱلْـوَادْ

شَفْـتْ لَعْيُونْ عْلَى لْحَايْطْ مْسَمْـرَة

شِـي يْخَطَّطْ وْشِـي غَارَقْ فْ لَحْــلاَمْ

ظَنَّيْتْ رَاسِي تُبْـتْ هَـاذْ ٱلْخَطْـرَة

شَدَّتْنِـي ٱلْبَلْيَة وُسْرَحْتْ فَ لَوْهَامْ

لَعْـوَامْ تًجْري وُلًعْقَـلْ جَاهَــــلْ

نْخَمَّـمْ وُسَــارَحْ فَ ظْــلاَمْ لَوْرَاقْ

مَا عْرَفْـتْ حَالِي فَيْـقْ وْلاَ غَافَـلْ

تَايْـهْ .. مَا لْقَيْـتْ مَنْهَا فْرَاقْ

فَكَّـرْت وُلْقَيْــتْ جْناحِـي تْهَرْسَـتْ

كيفْ نْفَدْفَـدْ وُنْرَبِّــي ٱلرَّيــشْ؟

وَالْخَيْمَةٱلثَّابْتَة وْتَادْهَا تْقَلْعَتْ

فِينْ لَعْمَـرْ ٱللّـي يْلَقَّـطْ ٱلْعَيْشْ؟

سي ياسين مصطفى جميل

مررت على هذا النص فوقفت عنده فترة واستمتعت بالموضوع
شكرا لحضورك البهي

مررت من هنا صديقي ووقفت عند سوداوية النص رغم ومتعة كلماته

مصطفى رضوان كتب:: سي ياسين مصطفى جميل

مررت على هذا النص فوقفت عنده فترة واستمتعت بالموضوع
شكرا لحضورك البهي

العزيز مصطفى رضوان

شكرا لك على بصمتك الجميلة وعلى تتبعك الدائم

محبتي الخالصة

ربيع عامر الغيواني كتب:: مررت من هنا صديقي ووقفت عند سوداوية النص رغم ومتعة كلماته

الصديق ربيع عامر الغيواني

سررت كثيرا بتوقيعك المشرف .. شكرا لك

تحية خالصة موسومة بالود والتقدير

اخي العزيز ياسين مصطفى جمال

نص يحمل بين طياته مجموعة من اللوحات والصور دات علاقة بالدات/الحياة....
حرفك جميل/صادق...
لك مني كل التقدير
تحياتي ومودتي

محمد مومر كتب:: اخي العزيز ياسين مصطفى جمال

نص يحمل بين طياته مجموعة من اللوحات والصور دات علاقة بالدات/الحياة....
حرفك جميل/صادق...
لك مني كل التقدير
تحياتي ومودتي

أخي الكريم محمد مومر

تشرفت كثيرا بمرورك العطر .. شكرا لك

تحية طيبة موسومة بالمحبة والتقدير