العشق والغرام بين هدرة وكلام محاورة مع ثريا القاضي

عبد العلي

قول هو لغرام مسهر الليالي
ملا جرب ماعذر المكوي بيه
شحال من واحد تظنو بالو خالي
وهو مسكين لي فيه يكفيه

ثريا

لغرام كيته صعيبة
سال مجرب الكية بيه
بين نجوم الليل يقلب على لحبيبة
ويقول هذا ما قد لقلب عليه

عبد العلي

انا لغرام كواني شحال من كية
وكل مرة نقول توبة وبريت
وكل مرة تنقول لحبيبة هدي هيا
تنجي نبيع نلقى راسي شريت

ثريا

لهلا يوريك كيت محاني
كية ما بحالها كية
لحبيب تبعته نساني
وخلا بحور لغرام هايجة فيا

عبد العلي

اناري اثريا عنداك تدعي عليا
نبشت جراحك وهيجت مرارك
قلبت فحزانك فيقت حزان فيا
بغيت نبرد ناري قمت ضرمت جمارك

ثريا

لله يحفضك من كية لغرام
جراحه و نارو ما تطفى
وخا فليالي تلبس صوف لعام
جوفك بلا بيه ما يدفى

عبد العلي

العشق اثريا شحال هدرت عليه
ضنيت نداوي جراحي بدوا غيري
لا دوا غيري داواني ولا دوايا يشفيه
غير قرب عشيرو وقرب عشيري

ثريا

لخليل علقلب بعيد
والعين فشوفته حزارة
نهار نشوفه يوم عيد
راه العشق جنون واللوم خسارة

عبد العلي

لي يلومك خصو يفرح ويسعد
لين يوم لوصال يمكن غدا ولا بعدو
انما اللوم على لي تيعشق حد
فخيالو يدور عليه ولا وجدو ووليفو عندو

ثريا

هذا لغرام ماحلاه
بيه الروح تتعطر
كلشي يتغنى بغناه
وخا حلاوته حارة تنحر

عبد العلي

لغرام يقيص مولاه بسبة وبغير سبة
ومع لوقت مذاقو يحلا ويختر
شي يسميه لعشق شي يسميه لمحبة
شي يقارع كاسو حتى يسكر

ثريا

قلت عالغرام ما نهضر
وليت عا يمة ف ماه
فيا خواض و تعكر
لعفو ربي وحده نترجاه

عبد العلي

مايهضر ع الغرا م غير لي تقهر
حتى يولي طير محلق فسماه
ولي ماهضر عايش حياتو بالصبر
حتى يشوف حبيب القلب حداه

ثريا

شدا اعضا ف الصبر
ونقول غدا نلقاه
كتزيد محبة ف قلبي تكبر
وخا لعداب حالف ما ننساه

عبد العلي

لغرام لو كان بلعين تنظر
كون لي بغا نصيبو خداه
انما مكانو قلب فالصدر
بحر هايج غويط قاعو و ماه

ثريا

كيف يدير هاد لقليب
عوافيه شاعلة جمر كادي
ما هنا ما شاف لحبيب
ما هنى ما هناني فركادي

عبد العلي

لو كان هد لحبيب لبيب
وعشقو للعين بادي
يقلب على وصال قريب
والا عرفو انسان سادي

ثريا

هدا حبيب مفشش
حبيبي وانا عشقته
حبه فقلبي معشش
ايامي زينة بنضرة فشوفته

عبد العلي

قالوا زمان عالعشق فلمثال
لهلا يطيحولنا على حجرة
وشحال من مرة يكون محال
خصوصا ايلا كان العاشق مرا

عجيبة هذه الحوارية

لكن أين أنجزت وكيف
شكرا لكما على هذه المتعة الرائعة

ربيع عامر الغيواني كتب:: عجيبة هذه الحوارية

لكن أين أنجزت وكيف
شكرا لكما على هذه المتعة الرائعة

انجزت اين ومتى هذا سر

المهم انها ابرزت موهبة دفينة لذى الاخت ثريا كزجالة تلقائية وصادقة
اتمنى لها الاستمرار بكل قوة
شكرا لك اخي ربيع
تحيتي

زائر

CHER RABIE EL GHIWANI

JE TIENS A TE REMERCIER POUR TON PASSAGE QUI EST D'UNE GRANDE

JOIE

TON AMIE DE PLUME

KADI TOURIA

زائر

CHER ABDEL ALI FILALI BEL HAJ

TOUT LE PLAISIR ETAIT POUR MOI D'ETRE AVEC TOI EN DUO ET J'ESPERE

POUVOIR ETRE A LA HAUTEUR

MERCI A TOI ET MERCI POUR TES ENCOURAGEMENTS

TON AMIE DE PLUME

KADI TOURIA

عدد الرسائل : 100 تاريخ التسجيل : 19/09/2009

إنها محاورة لطيفة دارت بين الأخ الفلالي والأخت ثريا، أراها محاورة تلقائية وعفوية أو بالأحرى ارتجالية جمعت بين الحنين والندم واللوم ووالعتاب و ذلك كيف ما حس به كلاهما اتجاه حرقة الغرام وعذابه.
قد أكون قاسيا مع الأخ الفلالي الذي كان يعتمد وبسرعة عن البحث على القافية فقط دون مراعاة الإيقاعات الموسيقية والوزن، لتبدو بعض المقاطع غير محبوكة وكأنها ركيكة بزيادة بعض الكلمات الطائشة.
استسمح وأتمنى للأخت ثريا والأخ الفلالي سنة سعيدة ودام لكما الألق
تحياتي الصادفة

الاستاذ التازي ليس المكان هنا مكان قسوة او غير قسوة ولكن ان كان نقدا بمفهومه الاكاديمي
ارجو ان تفيدنا باظهار مواطن الخلل في الابيات افيدونا جزاكم الله خيرا

فالمحاورة كما ذكرتم ارتجالية بسرعة تشهد على ذلك الاخت ثريا واما حرية اختيار القافية فاظن ان هذا الامر لا يعيب القصيدة ما دام يخدم المعنى المراد التعبير عنه
تحيتي

زائر

CHER SI DRISS EL HAGARE

C'EST TOUJOURS UN PLAISIR DE VOIR TON PASSAGE ENTRE NOS LIGNES

EN CE QUI CONCERNE CETTE PETITE EXPERIENCE , QU'ON A PU REALISER

SI FILLALI ET MOI , ON A PAS PRIS LE TEMPS DE REFLECHIR A CE QUE

NOUS DEVIONS ECRIRE , ET CE QUI ETAIT ENCORE PLUS EXTRA

ORDINAIRE C'EST QU'ON ETAIT PAS L'UN EN FACE L'AUTRE

C'ETAIT VRAIMENT TRES SPONTANEE

MERCI UNE AUTRE FOIS NOTRE CHER AMI SI DRISS

TON AMI DE PLUME

KADI TOURIA

» بالشفاء ثريا القاضي
» محاورة التيه في أزقة فاس
» القاضي .
» ثريا قاضي عيد ميلاد سعيد
» إهدا للزجالة ثريا قاضي