خـــايـــــف
خايف نحل فمي وللكلام نخاوي
نجهر بالحق ونرفع الصوت
نجي نحلو تاني نجبرو خاوي
لا باش نتكلم ولا ناكل القوت
خايف نكول
مال هذاك وصل لراس الجبل
ولاخرخيطومخبل مابغى يتحل
مال هذاك لقى لراسو الحل
ولاخر غير مع جرتو وحل
خايف نكول
مال جملنا ديما ديما راقد
واش اصبح من أهل الكهف
من ركادو شحال من مستافد
عرف منين كيتكال الكتف
لهلا يقلب ياك كلشي جامد
غير نتف ومع الناتفين نتف
خايف نكول
مال حالنا على الحال تقلب
السبع فينا ولى يخاف من الضبع
الحلال تغرب والحرام غلب
والعبد لغير خالقو ولى يركع
خايف نحل فمي وللكلام نخاوي
نجهر بالحق ونرفع الصوت
نجي نحلو تاني نجبرو خاوي
لا باش نتكلم ولا ناكل القوت
[center]
