من هنا دازوا

من هنا دازوا



[size=24]ما زرعوا ما حصدوا
ما عجنوا ما خبزوا
طاروا بالطاجين
داو معاه خبزو و دوازو
راكبين على كلمة
حروفها ثلاثة
الفاء \ فقصة الهياضر
فالعيد الكبير
الألف \ زرواطة على ضلوعنا
قدام الكبير والصغير
والسين \ سم مقطر
نياب اللفعة فالطير
ضربونا بفاس ومن هنا دازو
علينا دازو
هازين القلة
ماها شربوه
لاعبين الكرة
هواها فشوه
ويبرة فيد الدرية
عامرة بالبرد
فينا حقنوه ...
هنا طاح الريال
هنا نقلبو عليه
كنا نلعبو عليه
وصرنا نقلبو عليه .
ومن هنا دازو
ريالنا طاح هادي شحال
ومللي دازو
صحاب هاد الحال
تودر ريالنا صبح محال .
حكمتو من الفو ق
نسيتو علال وباب الحد
دخلتونا فدوامة
ما تلا حد يسال فحد
كلها راسي راسي
من الإثنين لنهار الحد
أشغا تقولو للشعب يوم الحد ؟
ياك مانا شربتوه
نقي وصافي
وخليتونا غارقين
نغرفو التخت ..وصافي
ياك زرعتو الشوهة فالتيران
وخبيتو الدوا على العيان
ورديتو المخير فينا عريان ؟
ومن هنا دزتو
ومازال تدوزو
يلا ما زيرناش الغرزة
ودافعنا على الخبزة
ونهار يخاف الديب من المعزة
ما يطيح ريالنا
ما يتخوض مانا
ما تفش كورتنا
ما يمرض شعبنا .


محمد بلغازي
22 يناير 2010

لي راكب دابا ينزل
ما يدوم حال
لي بنا على الصح
مايخاف الزلزال
لي كلا مال اناس
واخا لابس عريان

لو تعلم ياخي انني بمجرد ما انهيت قراءة القصيدة الزجلية حتى غمرتني نشوة من فرط اعجابي كون الركح الزجلي لا يزال يحتفظ بقامات شعرية و لو من وراء ستار تتغنى جراحات اغتراب الانسان في وطنه

لمثل هذه النصوص ينبغي تثبيتها و حمرة الالق ستورد كل مقحم لعوالمها النفسية بالاسقاط- كمصطلح سيكولوجي - اي سيتقمص الشاعر ليتغنى بها عن الامه الشخصية في وطن مقسم على رقعة الشطرنج
رائع سيدي