كَاسْ الغيوَانْ

كاس الغيوَان

كَاسْ الغَِيوَانْ تَاجْ
مْرْصْعْ الهَامَة
كِيفْ الكمْرَة وْهَّاجْ
فْ لِيلَة مْظلامَة
حْلاوَة تعْدلْ لمْزَاجْ
وْتزوْلْ لغْمَامَة
شْرَاعْ يْصَارْعْ لمْوَاجْ
بْرغبَة وْ فهَامَة
********
كاسْ الغِـــــيوَانْ يْرْدْ الرُّوحْ
شْرْبُو مْنُّو نَاسْ مْـــلاحْ
زْهَى الخَاطرْ بْسرُّو يْـــبُوحْ
حْبِيبْ الخَاطرْ نُورُو لاحْ
غْردْ الطير بْقلبْ مْجْــــرُوحْ
فْ قعْرْ البِيرْ خَانُو لجْنَاحْ
كتَابْ الخَاطْرْ كتَابْ مْفتُوحْ
يْقرَا حْرُوفُو كُلْ صْبـــَاحْ
********
الصْحْبَة وْالعْشرَة وْلافََة
خْلِيلْ الجْمَاعَة كاسْ الغِيوَانْ
الكلمَة حْجَّايَة وْخـْـــرَافََة
المْعنَى قصَيدَة مْنْ دِيـــوَانْ
لحْدِيث شوَارْ وْلطــَـــافَة
حْكمَة وْرزَانَة وْ سْـــــلوَانْ
القاصْدُو لازْمْ يْتعـَــــافَى
يْخْفْ حْملو،وْسْقامُو تهْوَانْ
********
القْلبْ ذَابْ مْنْ حْــــرْ لْهْوَى
شاعْــــــلَة فْ عْمَاقُو لمْشَاهْبْ
حْطّمُو لهْجْرَانْ،كثّرْ الشّكْوَى
مَا نْفعُو طبيبْ،مَا دَاوَاهْ طالْبْ
الوْرْد ْعْطاتْ ريحْتُو وْ ضْوَى
الذَّاتْ حْزِينَة وْلعْقلْ هـَـــــــارْبْ
********
الضْمِيرْ الوْكادْ عَاكْسُو لعْنَادْ
فْ ضِيْ نْجُومْ اللِّيلْ لاقِي الرَّاحَة
وَاضْعْ سُؤالْ،شَاكِي دْ الحَالْ
بْ كلمَة جْلِيلَة وْضَّـــــــــــــــاحَة
شَاعْل قنْدِيلْ يْصَارْعْ اللِّيلْ
الطّاعْنْ بْخنَاجْر لــْـــــــــــــوَّاحَة
********
الذَّاتْ عْلِيلَة وْالحْلقْ صْـــــــدَّاحْ
عْرَايْسْ تْترَاقـــــصْ بينْ نوَاوْرْ وْ رْبيعْ
النّغمَة مْمْــزُوجَة بْالرُّوحْ وْ الرَّاحْ
قصَايْدْ مْسْبُوكة وْ الــــــــمْوَّال بْدِيعْ
الكاسْ الشَّارْدْ مْنْ هَوْلُو صَـــاحْ
طالبْ النْدامة بْ لسـَـــانْ بُوجْمِــيعْ
الكاسْ الصَّامْدْ نْعنَاعـُـــــــو فَاحْ
وَاجْه لمْرَارَة وْمَـــــــا رْضَى يْبِيــــــعْ
فْ الليلة المْعلومَة نْجْمُو طَـــاحْ
فرخْ نْــــــــجُوم ْنُورْهَا رْفِيـــــــــــــــعْ
عْلاتْ صْوَاتْ تْــــــــنَادِي:يَاصَاحْ
كِيفْ الطِّيرْ الحُرْ،هَكْذا يْضِيـــــــــــــعْ؟

الصديق حميد اعسيلة..كنت أنتظر هطولك علينا ..واننا نفخر بقلمك الجاد

شكرا لتواجدك

اللغافي كتب:: الصديق حميد اعسيلة..كنت أنتظر هطولك علينا ..واننا نفخر بقلمك الجاد

شكرا لتواجدك

العزيز: محمد اللغافي
تحية لمرورك ولتعليقك القيم
مع مودتي وتقديري

الزجال حميد اعسيلة..

كَاسْ الغَِيوَانْ تَاجْ
مْرْصْعْ الهَامَة
كِيفْ الكمْرَة وْهَّاجْ
فْ لِيلَة مْظلامَة
حْلاوَة تعْدلْ لمْزَاجْ
وْتزوْلْ لغْمَامَة
شْرَاعْ يْصَارْعْ لمْوَاجْ
بْرغبَة وْ فهَامَة

وأنت تاج مرصع على رأس جامعتنا

أسماء محمد كتب:: الزجال حميد اعسيلة..

كَاسْ الغَِيوَانْ تَاجْ
مْرْصْعْ الهَامَة
كِيفْ الكمْرَة وْهَّاجْ
فْ لِيلَة مْظلامَة
حْلاوَة تعْدلْ لمْزَاجْ
وْتزوْلْ لغْمَامَة
شْرَاعْ يْصَارْعْ لمْوَاجْ
بْرغبَة وْ فهَامَة

وأنت تاج مرصع على رأس جامعتنا

المبدعة: أسماء محمد
كل الامتنان لمرورك وكلماتك الرقيقة
دمت مبدعة
مع احترامي وتقديري

زائر

قصيدة موزونة مرصعة

ما بهاه اكلام
حكمة وقوافي مقطعة
ما حلاه انظام
الزجل المغربي العتيق يختزل خلاصة شعب و تجربة أمة
دمت متألقا في دوحة الكلام

محمد بالبيضاء كتب:: قصيدة موزونة مرصعة

ما بهاه اكلام
حكمة وقوافي مقطعة
ما حلاه انظام
الزجل المغربي العتيق يختزل خلاصة شعب و تجربة أمة
دمت متألقا في دوحة الكلام

المبدع: محمد بالبيضاء
كل الشكر لمرورك الداعم
وتعليقك القيم
مع مودتي وتقديري