اليوم:
بصراتك لعيان
زين فتان
محلق الفوق
عَابر أجواء الذات
لوحت ليك بمنديل لغرام
عطيتك إشارة الهبوض
نظراتك علي حطات
حليتي بديار العين.
...
...
مراسيم الوفود عملت ليك
كفوف الحب مديت ليك
المقصود السلام
عانقتك بلحضان
ستقبلتك ستقبال الأمير.
...
...
الوجد كورال
عزف نشيد الوجدان
العشق سجاد حمر
مطرز بالريحان
على طول شارع القلب
فرشت ليك
النبض جمهور غفير
إصفق ليك
رميتك بورد لكلام
سكنتك قصر الفؤاد
قلت ليك:
رتاح الأن..ملقانا ف ليل.
...
...
ف صمتي زرتي
شلى مأثر
فوق قبر مجهول
زهور بلون خذوذك وضعتي
وقفتي على جرح كبير
سولتي:
كيف هذا صار؟
جا لجواب بلا تفكير
خلينا من اللي فات
البسمة ف شفايفك ترسمات
كأنها شريط حرير
فتتحتي حب جديد.
