ولدك

كلام جميل يا جميل
والحكمة موفياه التبجيل
مثيل داك لي سبق
حرفو مزوق
ومرتبو

الولد امانة
فحجر لي نجبو
لازم تراقبو
واطلب ليه
هداية ربو
اما رزقو
سال على مكتابو





عمر نفيسي

ها ولدك
عود منك
خليه يكبر
لا تحطبوا
ها الفارس كبر
خليه يحرك
لا
تعطبوا
العز ما هو لمن دار
بالمحرك
ولا من جر من نساه
التزغريتة
العز لمن
رباه
وكسبوا
وزاد ركبو

لي تبلى بالعكر

وعيى مايسعى الله
ويطلب
يقرا ويكتب...

ويخلف كتابو حجب

لسميته يتنسب...

*****

ولي ماولد ... ماعبد
ماقرا ...ما كتب

حياته جبال من لعذب.

وسول الزمان ..
يلا حرفي كذب..

ولدك نتفو زيرو او كتفوا باش ما تسمع منو أخ و لا تفو
و الى طلب العفو شهد عليه امو عاد سيقو او فسراولو جفو

امازحك
زجليون محنكون بفقه الكلم المرصع باحكم القوافي بليغة منكم الحكمة الهادي قبسها الحكمة التي بات الزجل حقا لاجلها موفقا في تبرير غايته التربوية و الاعلامية اقلاعا بقضايا المجتمع و همومه ..

جا فكلام محمد نبينا
غدا ملي الموت دينا
يبقى الولد الصالح يدعي لينا
وتكون الجنة هي لوطان
ولا بغيتي على الراس التاج
وتكون هاديا لمواج
فداك اليوم لحسان محتاج
علم ولدك القران