لي يدعي القوة يموت بالضعف
ولي دفع شي سكة يرجع ليه الصرف
الدم بالدم والسن بالسن شرع وعرف
واختار وقتك ونختار الظرف
ايلا قوتك نفعتك اليوم
قوتي اليوم فضعـــــفي
وايلا تظن الجور يدوم
جور فصرفك ووفــــي
قول ارهاب او انتحار قول عنف
تتالم بحالي وتامل تعــــــيش
وانا نتالم وعيشي فالشهادة
وكيف يهنى لي واهن هشيش
يسرق هــــذا ويــــــقتل فهذا
وصيفتو ونعتو الموت بالخوف
حالف لا خليتك تدوق طعـــم نعاس
ونقريك الشي لي ما قـــــــريـــــتي
وخـا تغطـيك الدنيا ويحرسوك الناس
نخويك البيت لي ما شريتي ما كريتي
هـــا اناوانت الـــــــــيوم فالساحة
تعـــريتي ولا شغــــــــلك مكشوف
الارض ارضي ما تلقى فيها راحة
ما يقــول شريف غير لي هو متلوف
عند بالك الـقـوة تحمـــــيك ديما
لماصل فالأرض ما يتــقـلع بريح
مردك ترجــــع تــــــاني للهيمة
يعلا صرحك حتى يعلا تاليه يطيح
ولي ما عندو بارود يعمر بلحجر لكفوف
شاع امرك ما بقــــــا ماتكذب و تتخــبى
ريحتك عطات والدم المسفوح فضاح
ايلا ما رباتك هذالحصلة عمرك ما تتربى
ومحال تــتـربى باللســـــــون لفصاح
ولي ما يشوف نعاس لونـــــو مخطوف
