*قدام لبحر* ;
وقفت قدام لبحر
نشوف مدو وجزرو
وغروب شمسو
ونسمع لصوت ماجو
ونشم نسمات رياحو
وسمعت لعماقي
ونادتني روحي
اشنو فخاطرو
بكاه وحزنو
ناداني البحر وقال
آه يا إنسان
يالي معدي على الزمان
يا لي تيقولو لك فنان
واش تسمع
واش تفهم
ولا داير زعما راسك بكم
ركبتي ماجي باش توصل لبر الأمان
بر الأمان لي خليتي ورآك حتى فات الأوان
يا ولد ادم وحوى
نت سر القوى
خدم عقلك باراكا من الخسران
الروح عطية رب الأكوان
هداها ليك بلا إحسان
ما دمرهاش يا إنسان
ومنين دار الزمان
هزيت عيني في القمرا
لقيتها باكيا مع النجما
حيرا مع الكلما
تلفها هوى الفجر و النسما
تيها مع لفكرا
شحال من مرا ومرا
شافت حوايج مرا ( بالضم)
أحياني على ديك لقهرا
ولاد صغار لاحهم لبحر برا
ولا غبرو بمرا
قبل لا يوصلوا تما
وخلاو الميمة والولد ولمرا
عايشين في الحكرا
يغمضوا عينيهم يشربوا لمرار ولقهرا
يقولوا باقي الرجا
مشى ولدنا وعاود وجا
مشى بلا رجعا
مشى ودموع العين تسيل
وقول لا ربما ها هوا جا[/size]
[/font][center][center]
