أَشْرِيبْ الْكَاسْ
َكّالُو لِي أَشْرَبْ اْلكَاسْ
تَنْسَى فِيهْ أَهْمُومَكْ
أُتَنْسَى فِيهْ
أَغْدَرْ دُوكْ النَّاسْ
أُ غْرَقَتْ أنا
فَ اشْرِيبْ اْلكَاسْ
أُمَانْسِيتْ فِيهْ أَهْمُومِي
أُمَانْسِيتْ فِيهْ
أَ غْدَرْ دُوكْ النَّاسْ
وَاشْ اْلقَلْبْ الْمَجْرُوحْ
إِيدَاوِيهْ أَوْصَاْل أَحْبِيبُو
وَلا إِيدَاوِيهْ
أَشْرِيبْ الْكَاسْ
أُمَنْ شَوْقِي لِيهَا
أَبْدَاتْ صُورَتْهَا
أَتْبَانْ ِلي
فْ قَاعْ كُلْ كَاسْ
أُمَنْ غِيرْتِي أَعْلِيهَا
هَرَّسْتْ بِيدِي
أَشْحَالْ مَنْ كَاسْ
أُدَارِيتْ كِيْتِي فْ قَلْبِي
أْصَرْتْ كَالْهَدَّاوِي سَايِحْ
مَابِينْ لَقْهَاوِي وَاْلبَارَاتْ
نَحْكِي قَصَّتْهَا أُقَصْتِي
أَلْكُلْ مَنْ أَعْرَضْ أَعْلِيَا
أُلا أَعْرَضْتْ أَعْلِيهْ
أعلا قَرْعَة أَوْ كَاسْ
شِي وَاسَانِّي أُصَبْرْنِي
أُشِي نَافَقْنِي أُطْمَعْ
فْ خْلاصْ اْلكَاسْ
أُشِي أَضْحَكْ أَعْلِيَا
أُكّالْ سَرَّكْ يَابُورَاسْ
أُهَكْذَا فْ آخْرْ أَيَامْي
أَتَبْلِيتْ
بَاْلكَلا أُتَسْطَارْ
وَالشِّيشَة وَجْوَانْ
أُشْرِيبْ اْلكَاسْ
أُمَانْسِيتْ فِيهُمْ أَهْمُومِي
أُمَانْسِيتْ فِيهُمْ
أَغْدَرْهَا يَا نَاسْ
15/06/2010
