البورطابل

عدد الرسائل : 34 تاريخ التسجيل : 08/06/2010

البورطابل

گدو گد الفار
وكاين في كل دا ر
يوصل الخبا ر و يجمع ناس الدوا ر
وفين ما رمات الانسان الاقدار
تسمع كلامو.. بحال لا معاك في الدا ر

الكلام فيه بالعبار
وتايبغي الاختصار..
به تسارا جميع القطار..
وما تزور محطة ولا تزور مطار
كلمة ـ الوـ
صغرات الدنيا..قطعات البحار.

گدو گد الفار
وتلف الجار على الجا ر
كانوا مجموعين..وفي رمشة العين
كلشي طا ر
شي في باب الدا ر..شي في قاع الدا ر
شي الفوق مع "الريزو" محتا ر

نهار على نهار
يزيد في الانتشا ر
عند الخضار .. والعطا ر
و عند الفقيه في الحضا ر
يسهل ما صعاب .. يجمع الحبا ب
فكاك الوحايل الكبار.

وسمعو يا حضار
هذي حكاية السي عمر..
شرا حتى هو البورطا بل..بعدما سول واختا ر
دارو في جيبو ..و مشا فرحان به للدا ر
ولا مقابلو غير هو ليل و نها ر
شطن ليه عقلو ..و غطا ليه الافكار.

حتى المگانة و النظارا ت و السوارت
اللي كانوا يرافقوا السي عمرباستمرار
تقلقو ودار ليهم الغيا ر..
ناضو اتافقو ..و دارو اجتماع في الدا ر
وكالو لازم نحاربو هذا الفا ر.
بين يوم و ليلة.. و لا هو مول الشوا ر
فكروا في حيلة.. بها نفديوا الثار..
ونقاومو الاستعمار.. ديال هذا المكار
قبل ما يقتلنا .. ولا يدير فينا السكار

واه ؟ .. ولا ديما في يديه.. يراري به
كيف تايرا ريو بالدراري الصغار
ملبسو كسوة بالعبار..
باش مايقيسو الماء , و لا تقيسو النار
خناث كثير .. عايش كالامير في الدا ر.

تحاورو, و ناقشو .. و بعد ما سالا سيادنا الحوا ر
مجموعين اتاخدوا القرا ر..
كتبوا لافتة و كان فيها الشعا ر..
ــ غير احنا و لا هو في هذا الدا رــ

قراها السي عمر.. و بدا لونو يحما ر و يصفار
كال ليهم ا ش كاين ؟
كالوا هذا هو كلامنا و عرف انت ا ش تختا ر.
كال ليها يا المكانة .. مالكي زعفانة..
انت زعما مولات العقل ..
طلقي البشرة , و لا تزيريها تزيار

البورطابل.. ماجانيش من القمر..
ولا جبدوه لي من سبع اراضي علماء الاثا ر
هو اختراع الانسان ..للضرورة و الحزا ت الكبا ر
واش انتما نايمين.. ولا ما جايبين اخبا ر
حيدو علي باراكا هذا الغيا ر

كالت لو المكانة .. سكت يا الغدا ر
ماباقي حملتي تشوف وجهي.. كورتيني تكوا ر
بخلتي علي بحجرة , و هو كل ساعة تعمرو تعما ر
وليتي تخرج بلا بي ..لايحني في المجر و ساد علي
واش كاع هاكا قساح كلبك.. وتعدى علي و جا ر.

و النظارا ت اش دارو فيك من عا ر؟
يوريوا ليك الطريق.. ويجيبوا ليك التحقيق
و يقراوا ليك الكتب الكبار
والسوارت اش داروا ليك؟ .. كانوا ديما بين يديك
ولاو ثقلوا عليك.. ما عندك فيهم كسا ر
جميع الابواب يفتحوها ليك.. ويحفظوا ليك الاسرا ر

راك تبدلتي.. ما بقيتي كيف كنتي..
وراحنا عندنا شهودنا ..ومعانا في هذا الدا ر
البزطام, و المذكرة, و مقص الظفا ر
البريكا , و الكورميط , و السيكار
البيل , و البورطكلي , و الموشوا ر
كلهم كالوا ..تبدل عنا السي عمر
من نهار جا داك المكار..
وكون البورطابل فيه الخير .. كاع ما يمنعوه في الجامع
وكدام العلماء الكبا ر

تقلق السي عمر , ودارت به الارض..
شد راسو وكال ليهم..سمعوا كاملين و ديوا الخبا ر
هذا اللي تكولوعليك مكار..
راه فيه العجب .. حيت صاوبوه العقول الكبار
به نعارف حالة السوق اللي مادخلت لو..
و انا متكي غير في الدا ر

و به دورت لخويا المهاجر في بلاد قطر
حيت ناضو الورثة بغاو يبيعو الدار
و جاوبني في الحين و كال لي توكل على الله
هادشي مايحتاج الشوا ر
و به دورت لولد عمي المختا ر
و كلت لو يجيب معاه العدول..و 12 شاهد من الدوا ر

و به عيطاط لي المراة .. و انا في خدمتي بنهار
اجي راني نسيت سوا رت الدا ر

و به ناس الحومة عيطو لي , انا المسروقة حاجتي
اجي راحنا كبضنا الشفا ر
ولقيتو يبكي و يكول انا في عاركوم اناس الخيار

و به في زواج بنتي عيط على احبابي و اهلي
اللي كاينين في جميع القطا ر
مرحبا بيكم عندي ..الرجال بالليل و النسوان بنهار

و السي عمر يحكي.. ما بقا لو غيريبكي..
سكتو كاملين و ندمو.. وقدمو الاعتذا ر..
سمح لينا مولاي , راحنا خطينا .. و البورطابل خونا..
غير عمات لينا الابصار.
حنا كاملين خدامين الانسانية..
هي مولات العقل و مولات الابتكا ر.

عدد الرسائل : 62 تاريخ التسجيل : 11/07/2010

قرأت لك هذا النص فوجدته ممتعا دمت متألقا

موضوع: رد: البورطابل الخميس يوليو 15, 2010 1:11 am

نص يترجم الحالة الاجتماعية الحديثة في عهد الهاتف النقال

شكرا لك

عدد الرسائل : 34 تاريخ التسجيل : 08/06/2010

المبدع علي موفتاحي ،
المبدع مصطفى رضوان،
اشكركما واتمنى ان اكون موفقا في ترجمة مدى ارتباط الهاتف النقال بالحياة الاجنماعية للانسان،
اتها قصيدة فكاهية حول البورطابل كتبتها سنة 2002 وربما مازالت تحافظ على قدر من قيمتها
وقد اردت ان اروح بها عن النفوس ..والله الموفق
دامت المحبة و التواصل

موضوع: رد: البورطابل الجمعة يوليو 16, 2010 1:06 am

المبدع سعيد بن العيدود

سعيد بنعيدود الذي قرأت له نصوصا في غاية الجمال و الروعة لم اجده هنا
اسلوب تقريري ،غياب تام للصورة الشعرية ،
اننا هنا امام نظم بسيط ،
ارجو اخي ان تقبل صراحتي ، انا على يقين تام ان باستطاعتك الحفر اكثر
مودتي اخي الكريم

عدد الرسائل : 34 تاريخ التسجيل : 08/06/2010

الاستاذ المبدع علي مفتاح
ان ما ابحث عنه في هذا المنتدى هو تلك الصراحة التي قد تنعدم في اماكن اخرى،
واشكرك على كل حرف تنصحني به و هذا هو المرغوب و المطلوب.
فكما قلت " البورطابل" كتبتها سنة 2002 ابان بداية انتشار الهاتف النقال وقراتها في عدة امسيات على سبيل التخفيف والترويح عن النفس، استراحة هزلية لا يراد منها الاحاطة بالصور الشعرية اكثر من الاشارة الى ظاهرة اجتماعية .
ودامت المحبة والتواصل