مْعَرْيَا السُّرَّة

عدد الرسائل : 47 تاريخ التسجيل : 03/09/2010

.
.
.
.
خارْجَة مَنْ لدَّارْ

مْغَمْغْمَة بالدَّرَّة

تَدْخَلْ لَلْبَارْ

مْعَرْيَا السُّرَّة

جْمَاعَة الْويلْ

الْعيشَة الْمُرَّة

لَمْجَرَّبْ عَكَّازوا طْويلْ

الْمَعْنَى وبُعْدْ النَّظْرَة

بَعْدوا ياوا مَنْ النَّارْ

تْبيعوا وْتَشْريوْ فَلْهَبْرَة

عينوا تَحْمارْ أُوتَصْفارْ

اتْبَرْكّيكّْ وَ الشَّفْرَة

بْناتْهُمْ إِديعوا بَللِّيلْ

ما خَلَّاوْ حَتَّى حَفْرَة

الطَّنَّازَة كَّالَتْ مَا تَدْرَجْ بَنْهارْ

حيثْ هِيَّ مْرَا حُرَّة

فَالسُّوقْ مْنُوْضَة موراها لَغْبارْ

بَّاها ما سايَقْ خْبارْ

تابْعُوا لَبْلاَ الله إِلْعَنْها جَرَّة

ما تَحْفَظْ سْرارْ

ضَرْبَتْها ما تَبْرَا

السَّرْوَالْ طْويلْ

تَتْسَطَّا عَلْوَرْقَة خَضْرَة

غَرْقَاتْ الدَّارْ بَالُّدولارْ

وَاتَرْني فَلْكُوِّيتْ ما كَايْنا لَمْرَا

حَكْمُوا رْجاَلْكُمْ أُولَا تْقَوِّيوْ

عْلِينَا هَضْرَة

فِرْعَوْنْ وَلَّى سَمْسَارْ

مَنَّا تَاخُذْ الْعَبْرَة

كَََََََََََّالو شْريفْ كَََََََََََََََََّالو صالَحْ

آشْ دَّاهْ لْقَاعَتْ لَقْمارْ

إيضَبَّرْ لَسْيَادوا مْوَلْفينْ

إِرَكّّّّّّّّْدُوا مْعا لَبْعيرْ

مْعاشْرينْ لَحْوَالَة

وْجوهْ الزَّرْكَّّّّّّّّّّة وْجوهْ

لْقَزْديرْ

فينْ خَدَّامَة آبَنْتْ بَّا لَكْبيرْ

تابْعَة التِّيسيرْ

أو مَنْ مُورْ لْمَغْرَبْ

مَنْ طَنْجَة لَكَّّّّّّّّّّاديرْ

مْخَلْطَا دَفْلَة وْعَرْعارْ

كولْشي يَدْخَلْ لَلْكَّّّّّّّدْرَة

تَخْرَجْ مَنْ الدَارْ

دايْرَة الدَرَّة

داخْلَة لَلْبَارْ مْعَرْيَة

السَّرَّة

دايْعَة وْتْكُّّّّّّّولْ راني حُرَّة