لَحْماق بعيْنِيه و الحيط بوذنيه

لَحْماق بعيْنِيه و الحيط بوذنيه
.....
..

من عام نُوضُوا اتْرُكْدُوا
ناض اللي ناض
و فاق اللي فاق
شي دخل سوقو
شي اتْلف ف الأسواق
شي بعد فياقو واللا مشتاق
و بلسانو واللاّ حلاق
الرّاقْ...
المّاق...

من عام سير حتى اتْجِ
غضب اللي غضب
و جذب اللي جذب
طلعت القردة للراس
حتى احفات النقشة
طار الفرخ
و الفم..هْههْ
واللاّ محلول للغربي

من عام اللسان ما فيه عظم
و قولها و اضحك عليها
اتقلبات الدنيا اسْفاها على اعلاها
تبناوْا شلاّ قصور من الرمال
تهرّس شحال من جدر وطاحو جبال

غير باللسان
اتْحفروا شلاّ حفاري و بيارْ
واللاّ... الفياق بالليل والنعاس بالنهار
شحال من هضرة
اتقطعات بالسمن و العسل
بالحلاوة المغشوشة و غير بْلَمهل

من عام الضحكة الصفرا
و اللي من الفوق
طارت البركة
تعثرات الحركة
الحمامة لبست جلد الذيب
الذيب على حاجتو ارجع حبيب
و اليد ضربت على نمرة الجيب
زيارة الحبيب على غفلة واللات عِيبْ

من عام... مالنا مانخافوش...؟
طلع الدم على والو
طلع الشان للخاوي
ف زحمة الزمان العامر
طلع اللي طلع
و هبط اللي هبط
اتفرقعت الرمانة من شجرة المزاح
الليل سرّح سوالفو على كتف الصباح
واللاّ…هْههْ
ها اللي تخطّى سحور ..ها اللي فيه لَرياحْ

من عام.. اجمعْ و اطْوِ
اتطوات الصفحة
اتقلبت القفة على المَحْني
مات اللي مات ف حياتو
و عاش اللي عاش بعد مماتو
التّرحم اللي خاصو يتّرجم
و التّرجمْ اللي خاصو يترحم

من عام ..حك جر
غنى اللي غنى
مالي يانا.. مالي يانا ما عندي زهر
شطح اللي شطح
عاود دردك
زيد دردك
اللي ليها ليها

من ذاك العام... هْههْ
اللي ابْغ يربح ... العام طويل
ما طالعاش... ما طلعاش

عام ...شوف و اسكت
و اللاّ... لَحماق بعينيه
و الحيط بوذنيه
وِيلا بغيتي تتفركع
سير لهيه

ممتعة نصوصك يا إلهام حد الاعجاب
تحياتي وننتظر جديدك

أستاذة إلهام أحييك وسلمت أناملك التي سطرت هذا النص العميق
Very Happy

[right]الاخت المبدعة الهام
نص شعري مميز
كثافة اللغة المشحونة بصور بلاغية عميقة
مخيال بمتح من ألم المعاش
مسيقى نصية راقية
دمت للشعر

حميد يوسفي كتب:: ممتعة نصوصك يا إلهام حد الاعجاب
تحياتي وننتظر جديدك

الدنيا هبيلة...
من عام نُوضُوا تركْدُوا
من ايام...
ما قدك الفيل
ها الفيلة
مازال الجمل راكد
إيلا فاق...هْههْ مُشْكِيِييلَه !(مشكلة)
لَحْماق بعيْنِيه و الحيط بوذنيه Vol12

الدنيا هبيلة
من أيام...
اللي فاتك بليلة
فاتك بحيلة
الرعد يمَضِّي سيوفو
لَحْماق بعيْنِيه و الحيط بوذنيه 1

على ظهر السما
لعجاج يسُوسْ حروفو
على عيون الرحمة
السحاب يشكي من لَعْكر
اتغدرو الزحمة ...
لَحْماق بعيْنِيه و الحيط بوذنيه Vol12

اشكون يقنع ؟
اشكون يغيّر العادة و التفكير ؟
اشكون يبدع ؟
يجبد دموعو اللي لاح ف البير
ايفَيّقْ الجمل الراكد على والو
يسبق اللي فاتو بليلة
يعري على ذراع احوالو
يبَدَّلْ الصباغة لَعليلة
ياك والو غير والو...؟
بحال لخوا وسيدهم الريح
بوالو ما درنا والو...
وخلِّينا العامر الصحيح
اشْكون مول الحيلة ؟
بحال والو...!
يكون ما سبقنا بليلة
بحال هْههْ وآالو...!
لَحْماق بعيْنِيه و الحيط بوذنيه Vol12

الدنيا لذيذة و جميلة
حيت بعقلها هبيلة
لْ اللِّي يقاوْمْ حرّها
ماشي...هْههْ

اللِّي يقلّب على اظْليلة
...

أنا اللي تمتعت بكلامك لَجميل أخي حميد
شكرا لك
تحياتي

الزجالة إلهام بصفا
الحاضرة بيننا

حرت ف أمرك والله !

قبل ما ننقش حروف حيرتي، خليني نبارك لك ولكل أنثى بعيد المرأه
كنتمنى تحقق فيه المزيد من الإنتصارت للحياة .. للحب ..للسلم .. للإبداع ...

الفاضلة إلهام
دخلت للزجل ناصرَه ومنتصرَه . بالزجل فرضت علينا زجلك.
لغتك ولا صورك ولا أفكارك ما تانشمش فيهم ريحة باريز ولا أي مدينة فرنسية... ما لقيتش
فيهم ريحة الغربه ولا ريحة الجلِيَّه المغربيه أو العربيه. لغتك مغربيَّه أصيلَه
وهذا ما كيزيد يحيرني !. كلامك تاتجبديه من قاع الخابيه ( ما غنقولش معجمك مكناسي باش ما نظلمش إبداعك. لغتك أي دارجتك مغربيه عربيه قحَّه، عرفتِ كيف تحافظي
عليها وكيف تنسجي بها ومنها زربيات
مغربيات بصوفَه و رﭬم مغربي وفضلت تفرشيهم بسخاء لأحبابك الزجالين. عرفت تضايفينا
وانت ف ضيافتنا.

لا ، احنا كلنا ف ضيافة الزجل.
أحنا أسرَه وحده جامعها الإبداع الإنساني... احنا جسد واحد جامعانا راسله فنيَّه.

الفاضلة إلهام
شحال تمنيت نقرا ف ازجالك هموم الجليَّه العربيَّه .. همومك .
شحال تمنيت نعثر ف ازجالك على لون سما باريز ، وطعم منفى باريز ، وحالة منازل فصول
باريز، ودرجة حرارة رياح باريز ....

فين باريز ؟؟؟

فين باريز ؟ أنت الغارقَه ف زحامُه .. لمصارعَه ثيارُه ..
فين باريز ؟ أنت المتعليه على ابراجُه ..الفاعله والمنتجَه ف بحر حركاتُه المتلاطمَه...
فين بارز ؟ أنت الحيَّه ف تناقضاتُه .. الفارضَه
وجودك ف غربتُه وتغريبُه .. ف انطوائُه .. ف جنونُه وتحدياتُه..

بالله عليك يا إلهام فينك من هذ الشي كلُه ؟؟؟

إدريس أمغار مسناوي
تيفلت: 08 / 03 / 2011 م

ـــــــــــــــــــــــــــــــــــــــــــــــــــــــــــــــــــــــــــــــــــــ
ملتمسين:
_هناك جهة ترغب أن توجه لك دعوة للمشاركة في مهرجان زجلي التي تعتزم تنظيمه في عطلة
الصيف وتود الحصول على عنوانك الإلكتروني للمراسلة.
_ أريد أن أبعث لك بآخر إصداراتي، لذالك أضع بين يديك عنواني الإلكتروني...

mydrissmesnaoui@yahoo.fr

وأضيف صوتي إلى صوت الزجال ادريس أمغار مسناوي وأبارك لك عيد المرأة
وأتنفس معه رائحة الزجل المغربي القادم من باريس
تحياتي لك

سامحوني على قلة الوقت ...واخّ قطعتو كايقطعني
كا نتمنى هذ الهدية تعجبكم
حروفي بصوتي.... .قصة نهاد و عماد
إن شاء الله غير يكون عندي الوقت نرجع لتعليقاتكم الرائعة
شكرا لكم
سامحوني مرة أخرى

تحياتي

لَحْماق بعيْنِيه و الحيط بوذنيه Vol12

9essetnohado3imad1.mp3
لَحْماق بعيْنِيه و الحيط بوذنيه Vol12

زجال عدد الرسائل : 119 تاريخ التسجيل : 05/10/2010

الهام , قصيدة بنفس طويل , طول النظم لم يؤتر نفسك , بقيت محافظة على ’ نفس القوة والنفس كما يحافظ عليه ابطال المسافات القصيرة , مخيال واسع , معجم مغربي اصيل , كما قلت مرة , ابداع يسحرني واكتفي

mohamed zitoni كتب:: أستاذة إلهام أحييك وسلمت أناملك التي سطرت هذا النص العميق

من عام... أنا رجل ناخذها كتشعل
شعلت العافية
واللات هْهه الشاعلة... كتشعل معاه
شعلت مع أفكارو
اطفات حلاوة نارو
واللا ف رماد الوقت
يساين كفن نهارو
من ذاك العام
اشعل اللي شعل
و اطْفَا اللي اطْفَا
شعلت الأسسسسعاعاعاعار
واللا اللحم حشيش كيتشم
سرّح مناخرك و شم
عنداك تقرب...
لا جيبك يحشم
و بزطامك هْههْ يتّخدمْ
إيلا دختي شد ف الأرض
مرة مرة الدّي ولدك يعري على نيفو
نهار يتعَوَّد ...
ها السِّليسيُون...آرا ما يشم
و ف اسْعايه و السرقة يولي يخدم
و انت يا مسكين
درّب راسك على طلوع الدم
ويلا ما عجبك حال
موووووووت
موووووووت بالسم
لَحْماق بعيْنِيه و الحيط بوذنيه Vol12

من عام... ابْغ يشعل معاها ...شعلت معاه
الأسْ سْ سْ عار عاااار
شعلت مع النيف المهزوز
مع النفس الحارة
مع الجيب اللي ما زال ف مِيكتو
مع مول الصباط البايت عند الخراز
شعلت...
و حمات السوق
احمات الطرح...
حامية حامية...اللي ماحماها تقطع يدُّو
حامية حامية...اللي ماحماها تقطع يدُّو

اتقطع الخط اللي كان يربط
اطْفَا الضو ف نهار مشمس
تحركْت القلوب
واللات الدنيا حْ حْ ححح ِريكْ

و عطاوْها للحريكْ
اطفاهم البحر
اشعل مع كبدة الوالدين

هذا حراك
هذا احْركْ
هذا ناوي...
هذا هزو الما
هذا بااااااع....باعْ
رزقو...

اللي خلاوْا الوالدين من لعشا
كلاوْا شوية و خلاوا لغدّا
حيت غدا غوووول ساكن من الصغر
كبرنا...
و معانا كبر
يخلع عْع ع فينا
يقطع حْ ح سْ س سسْنا إلى ادْوينا
شششششششش.....
دوي ف كرشك
عاود لراسك
ادخل سوقك
الهضرة بزاف و اسكات احسن
اسكات حكمة
اتعلّم من ههه البكمة
إيلا محْحححح محْ تااااج
اطلب من الله الرحمة
واللاّ ...
عاود لمخك إيلا مازال ما طار
ويلا طار...
اشرب لبحر

من ذاك العام....
ما زال الشمع شاعل ف السادات
الذبيحة محمرة وجههم
البايرة واللات بالعكاز
المزوجة تبكي على سعدها الطافي
مول الدار احْرك لدار اخرى
الولد يشاطي مع الكاوريه
خاف يحرك و يتحرك
و الحراك بفلوسو يحرك
أمو ف أخّر ايامها تسقي على الحمارة
و هو مقابل قبلة الشّاطْ و يتْيَمّمْ بالفارة

ها هو با يشعل
ها هو با يطفا
ها هو با يشعل
ها هو با يطفا

حامية حامية اللي ما حماها تقطع يدُّو
حامية حامية اللي ما حماها ي ت ق ط ع طع...(.)
.....
لَحْماق بعيْنِيه و الحيط بوذنيه Vol12

ياه....!!! شحال جميل أني كانشوف حروفي بعيونكم
كانتمنى نكون ديما عند حسن ظنكم
شكرا لك أخي محمد

تحياتي

لَحْماق بعيْنِيه و الحيط بوذنيه 107875