شوف أراسي

موضوع: شوف أراسي الإثنين أبريل 11, 2011 2:16 am

شوف أراسي

لبست لْباسي وراضي كِ جا معيا

وشيتْ للي لْبَسْ لباسْ غيرو وَبانْ عيبو

نوصيك أراسي شوف رَاسَكْ ف لَمْرَيا

ولاترْقصْ ف عْثوبْ وطَمَعْ ف للي تَعْبو

عاشر أراسي ناس لفْضَل وَلَعْنَايا

وَشْربْ مع للي مَنْ صْفا شَرْبُو

للي قْرا وَما تخلق ماهَياش قْراية

كذا مَنْ وَحْش ف غابة مالاق حليبو

لاتيق ب بْهوت للي ف خيالهم غاية

مناولهم ونواعرهم مزال إغيبُو

إدوبو ف زحامْ الزَحْمة وف دْلالة شظاية

هَمْتهُمْ ناقْصة مَع ليامْ إخيبو

نوصيك أراسي وقبَل لوصَيا

الدار بَلا ساسْ حْيوطْها إربو

َمنْ كَرْمُ الله مَن عندو لاش اسْعيَا

أرضى بَما عْطاكْ مَنْ نَعْمة تْكون حْبيبو

لاتشوف ما عندْ الغَيْر ولْزَايْلة نْهاية

موضوع: رد: شوف أراسي الثلاثاء أبريل 12, 2011 4:07 pm

الصديق

عبد السلام البزعليوي
وصي راسك وزيد وصيه وزير عليه حتى يخرج ما فيه من معاني هههه
ملحونية جميلة انسياب لغوي دعوة لقيم انسانية ومجتمعية نبيلة
لك المودة

موضوع: رد: شوف أراسي الإثنين أبريل 18, 2011 12:34 am

احميدة بلبالي كتب:: الصديق

عبد السلام البزعليوي
وصي راسك وزيد وصيه وزير عليه حتى يخرج ما فيه من معاني هههه
ملحونية جميلة انسياب لغوي دعوة لقيم انسانية ومجتمعية نبيلة
لك المودة

العزيز على القلب

الاستاذ الفاضل السي أحميدة بلبالي

راني يا أخي مزيرو وخ مثقلني وبغيت نبدلو وما القيت ههههه
وشوف ليا شي راس من تيفلت

تحياتي ايها الجميل راك ف القلب

عدد الرسائل : 166 تاريخ التسجيل : 31/01/2010

لوصية وصلت
وصلة كلام
لفران المعنى
و لفراني..
معلم غشيم
قلب خبزة الكتبة
بين إديه
حطها ف المطرح
وثقبها جوج ثقبات
فطيرة باقية
زربان لاحها
ضاربة منو ريحة
عرگ العافية
إقلب بالحوال
گرصة لمة.
.......................................
الأستاذ و الصديق سي عبد السلام البوعليوي...كتاباتك تحتفي بالقول المبطن وهذا شيء يدعو من يريد ان يقرأ لك أن يستعين بقاموسك الخاص.
عبد السلام البوعليوي تجربة زجلية تستنبط الكتابة من اليومي و المعيشي لتخلق حياة أخرى علينا أن ننتبه إلى تفاصيلها البسيطة و لكن عميقة عمق...تجربة زجال يدرك جيدا ما يقول.

موضوع: رد: شوف أراسي الجمعة مايو 27, 2011 9:17 pm

الزجال المتميز والحكيم البوعليوي عبد السلام
أتلهف دائما للقراءة لك
متمكن بكل معنى الكلمة
تبارك الله عليك