اصحايبي

رشيد العلوي كتب:

فتيحة الدرابي كتب:

اصحايبي عاشرته سنين
وعشت امعاه اعمر
بغيته بحال نفسي واكثر
كنت ديما امعاه
ف عز البرد وشد الحر
معاه نتونس ونحكي السر
اصحايبي تغريت فيه
وكان ف طبعه امزور
قابل خيري بالشر
افتحت له بيتي
قربته مني ، واهديت له
مشموم الورد والزهر
كملتها بالحليب والتمر
اصبح يتهدى فيه ويتمخطر
ادخل بحاس السوسة
ابدا ينخر
قلعني من اجدر
نوى لي على لغدر
ما كنت عارف أنه حامل معاه خنجر
ناوي يطعني من الظهر
فعايلو معايا
ما الطيح لك ف البال
ولا على الجن يخطر
إلى تكلمنا ساكت ما يهضر
ما تعرف آش تحت راسه
ولا كيفاش إيفكر
سرو ما تعرفه ولا عليه تقدر
سمه سم اللفعى ما يظهر
ضارب الطم ، سمه في قلبو يتشحر
نارو هامدة تحت الرماد والجمر
قلبه اقصح من لحجر
ضربته ما تبين العلامة لكن تعكر
قربته مني وبإيدي حطيت العافية ف لحجر
ما ينفعني غير الصبر
مع غدار يعرف كيف يحفر.

ياربي السلامة !!
نْتِ زَعْمَ مُولاتْ لعقلْ
إلى كان قلبو حجرْ
عليك نْت بالصبرْ
وِلاَ طْغى وتْجبرْ
قادر مولآنا يتْأَرْ
دَابَ يْتقْضَى غُمْ الليلْ
ويطلع ضوْ لْفْجرْ .
تحياتي لك الزجالة القديرة فتيحة الدرابي

شكرا على المرور الأخ الفاضل رشيد العلوي وشكرا كذلك على الأبيات الجميلة التي سطرتها في صفحتي أعجبت بها كثيرا ، دمت مبدعا متألقا . تحياتي القلبية