انا والدمعه والليل.

يلا كنت دمعه..


ولالات الدمعات..

قلي فهذ الطريق شحال بقات.....

من خطوات.؟

***

شحال تحرقت من شمعات.؟

شحال هذا العين وهي تسيل..

فذاك الليل؟

يلاكنتي دمعة ولالات الدمعات.

قلي واش وصلنا ولا مازال نزيدوا فيه ..

طـــــــويل.؟

ياحسره عل عقل الصغر.

وحلامتوا..

خبز لميمه وحلاوتوا..

ملي نكبر...ندير

نفعل...نترك

بحال الغير.

ك فلان وفلفلان..

ماكناش عايقين بالزمان.

قــــــــــران..


***

ايوا دبا لذاك الحلم منين ندوز؟

قلي اعقلي اعمي عزوز؟

قلي العكوز؟

هاني فوق الما مهزوز...

هاني مدعور من النهار..

المقزوز..

هاني نراري بليام

وهي خاشيه الكاتريام..

***

دافعه خنافرها للسما

وانا بين الزحمه

خاشي خنافري ف الغمه.

***

ها الشيكي راس السوق..

ها الخاوي يرشي لعروق..

***

ايوا صبر وزيد صبر..

هاهو ذاك الزمان غدر

اش بقالك ماتقول؟

***
هاالمعقول..

ها شكانت تقول لعقول..

وقفتي علا الحق.

ايوا برقق.!!


اهضر!!.

قول لي عندك فرغ.

وتمرغ..


ف لمداد..

وعيط عل لجواد...

حك جنابك..

شوف واش تلقى حبابك؟


ـــــــــــــــــ


هاالريح والتسريح..

دايز..

هاليام كلها صمايم..

ها الوقت نشف...

شرب من زطامي البهايم..

***

اعطي لقبك يبرد على قلبوا..

ها رجل ذاك الزمان عل راسك..

وانت لي كنت تظن تغلبوا..!!!!

المفضل الياموني..18/7/2011

الزجالة النبيلة...فتيحة الدرابي.

تسعدني قراءتك لنصوصي دائما..

اشكرك على تشجيعاتك..

لك معنى التقدير والاحترام..

الزجال المقتدر..والانسان النبيل..


محمد بوبكر

لمرورك نسيم كالذي عند الياسمين..

السي محمد كوبري الجليل..

لك اريج المحبة...ومعنى الاحترام..

الصديق الياموني

لك بصمة زجلية من مذاق خاص

المتعة والجملة الجديدة في تركيبها اشتغال على اللغة لايمكن إلا أن أقف احتراما له الزجل شعر وكتاباتك لإجابة رائعة على الذين ينظمون الكلام ظانين امن ما يرقنوه شعر .

أحييك على لغتك الزجلية هذه مع مودتي