القوة الغربية المسعورة

السفينة غادة وتعواج
اكثر في الطريق الفيراج
الكانة ما ابقات كانة
الساعة غاد زربانة
آش هاذ الحالة
دم العربان يسيل
والغرب شمتانة
حالتنا ما هي حالة
نبكي على ازمان
علات فيه صومعة الجبنا
ومنعوا الحجاب
عل لمرة الطاهرة
صبحت فيه ظروفنا قاهرة
مكبلين مغمضين
لا يدين لا عينين
اطواونا وسط لبطانة
انشموا لخنز
ونرضاوا بقانونهم بزز
وإلى ما ارضاوا اعلينا
ما نكلوش الخبز
القوة العظمى الطاغية
سرحت احصيرة
فيها الشوك
شوك سبب للعرب لدى
خرجوا عل القانون والعادة
بان لعجب
ومع بعضهم اكثر السب والضرب
شافت عيني بزاف
هم ثقل عل لكثاف
اعمر الكاس حتى فاض
اعمر بلكذوب أو لخواض
واتهرقت منه حروف
ما تعرف جبن ولا خوف
النار اكدات
شعلت ما ابقات طفات
احمل الواد
وجر معاه شلة ارواح
عشنا ايام مهمومة
خيمت على اسمانا اسحابة مغمومة
آش هاذ الزمان يا عربان
اتشتتوا وقل ما بينكم لمان
إيد وحدة
جمعوا بيها لحصيرة
نقيوها من الشوك
وعجنوا خبزة بالخميرة
خميرة بلدية
ما تكونش فيها ريحة غربية
بغيت نفرح
ونشوف العربان
يد وحدة همة وشان
هازين مشعل
إيضوي ف ليل اكحل
انهز راسي للسما
ونقول
الله الضو اشغل.