شكوة الحق..

تْخاصم الحق وُ الباطل
وُ لْحُكم لْقاضي لْبلاد

الحق بكى وُ شكى وُ قال
رحموني يا هاذ لْعباد
لباطل طْغى وُ دار ما بغى
بالظلم وُ القهرة جمع الزاد
دار الجاه وُ نْفوذ
وْلَد وُ دار لْحفاد
وانا الحق المغبون
لبست ثوب لْحداد
على صحابي وُ حبابي
على جدود وُ لولاد
فين الصدق لّي كان جاري
وُ لْوفى لّي داه لواد
شوف من حالي يا قاضي
الغربة هلكتني وقتلني لبعاد

الباطل ضحك وُ بدا ينطق
.شاف فلقاضي وُ زاد
بدى يتبختر وُ يتغندر

وُ لقاضي حنى راس وُ تقاد
جمع لوقفة وُ ناض
على صداع ما قاد

الحق جمد فمكانُ
وُ شكوى داوها جواد
بدا يبكي وُ ينوح
فيقوا يا هاذ لعباد
مال دنيا غرقات
فتنها زواق لّي ساد
الباطل صبح مول دّار
عشش وُ دق لوتاد
لازم يتغير الحال
لازم زماني يْتعاد

أختي الغالية نجلاء الحق يعلى ولا يعلى عليه ، كوني مطمئنة بأن يوم الحق آت لا محالة." يطغا حتى يطغا الباطل ويجي فوقه الحق زجليتك هاته أمتعتني كثيرا وأسلوبك في الكتابة يأخذني أما حرفك فهو من حرارة حبك للزجل أتمنى لك مزيدا من الألق أيتها المبدعة الراقية. تحياتي "يهمني رأيك في قصيدتي الأخيرة حواء. "