قالوا زمان
الدكتورة:صباح بلحيمر
-كلشي دارتو الدجاجة أبقات ليها غير الفراجة
-الله يعطيك ما أعطى للدجاجة الرجل حفيانة والركبة عريانة
-خلاتو ممدود أمشات تعزي في محمود
-جوعي في كرشي أعنايتي في راسي
-كون سبع أكولني أما تكون قرد أتمرمدني
-ألي ما دار بري كبيرو الهم تدبيرو
الزين في الدفلة أحار
-اللي خلص دينو أشبع
-الحر حر والصنعة ما تضر
-الله يجيب من يحسن بينا إعطينا بنتو وخدم علينا
-شكون شاف فيك المسوكة بالليل والمكحلة عند القنديل
-شكون شافك أشطاح في الدروج ما شافوك لا مالين التحت ولا مالين الفوق
-بحال مهراز دار الدباغ دق أنت أندق أنا
-الليل قصير أكيمشي لينا غير في الغضبات
-المزغوب حتى ليلة عرسو قصيرة
-الزيزون ما كتفهمو غير أمو
-لالة مليحة أزادتها ترويحة
-شكون أداها فيك أروينة أنهار العيد
-مول الطاحونة والسانية والمرا الثانية حتى ليلة ما إباتها هانية
-المحبة الزربانة مفرقة في نهار
-القلب المغير لوجه يعطيك أخبارو
-دهن راسو بالعسل أخشاه في غار النمل
-إيدك منك وخا تكون مجدامة
-اللحم إلى خناز إهزوه ماليه
-الدم إتحلبى وخا إكون من الكلبة
-بعد من دمك لا يطليك
-ألي ضربتو إيدو ما يبكي
-لا تشكر لا تذم حتى تجرب عام
-مشات عيشة تجيب القزبر،جات حاملة في سبع شهر،لو كان ما خافت الطلاق كون بقات حتى يخلاق
-لعوين مع النصارى ولا كلاس الخسارة
-كول مع خيك أحضي من خيك لا إدي ليك لحويك
-الضر بالقنطار والراحة على راس ليبرة
-ذاقو سعيد جبرو لذيذ احلف حتى إزيد
-الخادم كتعنى بنهود لالاها
-ما جات لا بقدود ولا بنهود غير بسعد السعود
-خوك في الحرفة عدوك
-كيفيق بالندا إلا طاح
-طاح الحك في الما واجبر غطاه تما
-إلا فاتك الكلام قول سمعت ولا فاتك الطعام قول شبعت
-إلا شفتي المزلوط غادي زربان عرف مول الفلوس أمسخرو
-اللي ترهنو بيعو وألي تخدمو طيعوا
-بحال الكسكاس ملي كيقوى رزقو كيتغمضو عينيه
-الهضرة من جوج والثالث خلاط
-على قد فراشك مد رجليك
-قلة الشي كترشي
-مريقت جارتي كتعجبني
-الحرة إلا صبرات دارها عمرات
-كيفتش على جوا منجل أطربوش لعجل أسروال الجمل
-اللي غلب عليك أصلوا شوف فعلوا
-ريح ساعة يخلي كاعة
-أنهيه أنهيه ولا أعمى زيد أخليه
-لمعايرة في الوجه صابون أفي الظهر طاعون
-الكرش غرارة ورباطها عقل
-اللهم خنفوسة أتونس ولا غزالة أتهوس
