<blockquote class="postcontent restore ">.سيف السيوف
سيف السيوف سيف لي سيفو
ما بغاني نطير ما خلاني ندير كيفو
ملي كثرت احلامي
اقتلها قدامي
غير لو كان ادفنها
كال : خليهم يجيفوا
و لبسي ثوب ما تقرب منو عقبان
و حتى الفيران تعيفو.
سيف السيوف سيف لي سيفو
و كتف عيوني على الشوف
و حطني ف جزيرة من الصوف،
ها الابيض ها الاكحل
ولا هذي دزة حولي معلوف
و كال لي : لا تخمي لا تضربي الكفوف
را رزق الجوف ياتيك
وخى يكون على حد الشوف
لا تهضري على اصبر ذباح
لا تلبسي ثوب اللياس الفضاح
و كولي هكذا لازم
وهكذا خاص يكون
را قرص النحل لازم
إلا بغيت عسل الجباح.
سيف السيوف سيف لي سيفو
وما خلاني نطير ف سمايا
باحلام اجود من غنى الماية
مابغاني نشوفها
ولو مرة ف مراية.
كثرت علي هضورو
كرهت حضورو
وضاعت نفسي ف غرابل تخريفو
وانا ضيعني قلبي و تقفقيفو
ف اغرايب ايام جايا و تميل
جارة وراها جلايل اعمر بالتاويل
واش فيها شي جميل
ولا هي ل زماني مثيل ؟
سيف السيوف سيف لي سيفو
وكال لي لا: لا تفرحي باحلام كذابة
لا تبشرك كليمات العجابة
لا تخافي من ظلام الليالي العطابة
را عتمة البيوت
يقهرها ضو شمعة مكشوف
ولا ما قدو، را ضو الكمرة
يصافحو و يحييه كل ما بان عليك
منو الخوف.
لا تصبغي نهارك بهم قتال
و خلي احلامك ل الليل
يونسك على رفاكتها
و ينسيك كلام المحال
</blockquote>
سبق نشرها تحت اسم فاطمة الدكالي
http://matarmatar.net/vb/t12920/ 
