وصيه ..للما..

وصيه.. للما..
ــــــــــــــــــــــ

المفضل الياموني
.......
9/15/2011
اغسلني..من وسخ ليام
فركني ..
عصرني من وجع لوحام

.....
نقطر...نتقطر

طال لعمر ولا قصر

نبقى ف حيط التاريخ


رشام

معنى مستف

واقف
ضارب لقمر للكتف

منوض ف الارض عجاج
مسكد

عنق الزمان اللي عواج
من فوقي نور
من تحتي هايجه

بحور



انا الراضع من بزولة الحياه
دغاس الحكره

انا الحاصد من فدادن لعمر
شوك السدرة...

انا الشايط خيال
من لمحان
واقف ..
انسان

صبني لا تطير صباغتي
خليني ف الضو
لا تفطمني حتى نكمل رضاعتي




بغيت نزرعني ف الماجي
جدر


نقطعني
من صرة لحجر

نهار نسكت انا
انت هضر

بكانتي
شربني حتى نسكر


بالضو

دوخني
حتى يتبدل الجو..
خبيني..من ليام
فكرش لوهام


كني بسمه ف ارض لحلام

دوق....معصر من الشوق
لون ...بسبع لسون
فن بين الفنون

فصلني قد قد
لا تنقص لا تزيد
جيبني روام



انا والكلمة
نكونوا توام

نخرجوا معنى
من ضيق الزحام...

الجليل مصطفى رضوان
شكرا لك اخي على حضورك
الذي اضاء متصفحي..
احترامي وتقديري.

شكرا عزيزي محمد بوبكر...
على فيض حضورك البهي..
اتمناك سعيدا..

الاخت الجليلة عتيقة لهراس
الله يبارك فيك..
عزيزتي...

بارك الله فيك عزيزتي الراقية..
فتيحة الدرابي..على فيض حضورك..
ونبل اخلاقك..
تقديري لك ومودتي الفارهة...