قالوا زمان

قالوا زمان
االدكتورة:صباح بلحيمر

-تلحفات بإزار أجابت لبلى للدار
-من جاور القدرة إتلطخ بحمومها،ومن جاور صابون جاب نقاه
-ما غسل حصايروا إغسل ديال الجامع
-الخواف ما تخافش عليه أمو
-الصنعة إلا ما غناتك تسترك
-النملة إلا بغا إعذبها الله إدير ليها جنحين
-ما كينسي البنت في أمها غير همها
-حل عينيك قبل الزواج أما بعدو غير غمضهم
-كطلب الزيت من السفناج
-إيلى رخص الشعير غلات الحمير
-الحمار مخبي أوذنيه بره
-اللي كيشطح ما إغطي وجهو
-حزموني أرزموني أما تعولوا عليا
-إلى تقادو الكتاف إولي الكبير إخاف
-قضي بالنعالة حتى إجيب الله أصباط
-طل طل تشبع ضحك
-فقيه الدوار ما كتباسش إيدو
-الطريق كتلاقي العدو والصديق
-ولد الضبع غير ضبع سخرتو إجيب لخميرة جاب الشمع
-شي فالضحك غرقان أشي في الهم حيران
قالوا أش المعمول يا قاضي في عيشة، قالوا طلقها وانا ناخذها
-اليد اللي طعمتنا حلال، كيكونوا ناسها قلال
-حساب الشكارة الربح والخسارة
-الهم هم لحمار أما لقط كيتسارا سبع ديار
-ديار لحباب من لعتبة للباب
-اللهم النعاس في البرد ولا ضيافة القرد
-الخياطة الحمقة فين المقص فين الحلقة
-الرزق الحلال صافي بحال الهلال
-الله يعطيك عظام الحوت إلا ما قتلوك إمحنوك
-شكي على الكرمة أتزيدك عرمة
-الراجل بلا فايدة كيف المسمار في المايدة
-اللي ما عندوا مال ،ديما وجهو مذبال
-حانوت غالي ألا حانوت خالي
-الصحبة المغشوشة حكها إيبان عيبها
-ما يحمي القدور غير الجذور
-المرفح إيلى طلب لولاد كيجيه غير الريال،والمسكين إلى طلب الريال كيجيوه العيال
-غرزة زايدة فيا،أهم لعرى فايت فيا
-المذبوحة كتضحك على المسلوخة،جات مقطوعة الراس قالت الله إنجينا من هاذ الناس
-العقبة في وجه لحباب حدورة
-فولة ما دير بيصار أفارس ما إنوض غبار
-الذليل في الرجال هو ألي كيعطي الضحكة لجاروا والهم لداروا
-حلفات لعروسة ما تبغي الحما ،حتى تبياض الفحما
-أنا نقول لحبيبي أحبيبي إقول لحبيبوا ،أكلامي فين ما مشيت أنصيبوا
-أعمى بن أعمى ألي كيشوف الغمام في السما ،ودير حوايجو في الما
-نزلت من كان سلطان ،وركبت من كان راعي
-اللسان إسبح والقلب إذبح
-ألي تهرس ليه منجلوا ،إعمل منو محشة
-ألي ما يخيط كساتوا وطيب عشاتوا وذبح شاتوا،موتوا خير من حياتوا
-جاو إعاونوه في قبر أباه هربوا ليه بالفاس
-ما عند القرعة ما ترعى غير خيوط راسها
-حتى مش ما كيهرب من دار العرس
-دخلناهم إشربوا الرايب قالوا حقنا في الزرايب
-ما تقطع الواد حتى إبان حجاروا،أما تمشي في الليل حتى يطلع نهاروا،أما تصحب صديق حتى تعرف خباروا
-أبنادم ألبس الكتان أنسى ما كان
-الهضرة للسارية والمعنى للجارية
-الدجاجة غسلات رجليها أنسات ما داز عليها
-اللي قال العرس ساهل إسكي ليه ماه
-الدنيا دراعة كل واحد إلبسها ساعة
-الخبز والما ما إخليوا على قلب غمة
-إلا شفتيه راكب على قصبة قولوا مبروك العود
-اللي قالك معزة طارت ،قولوا أربيع في فمها
-راكبة على ظهر السبع أتقول الحداية ياكلوني
-ما يقول الحق غير الصغير والحمق
خفيف لقدام يمل ولو كان وجهو مراية ،قليل الكتاف إنزل ولو كان جهده عتايه
-ألي ما واتاه لخضر ما يلبس ما يحضر
-الدوام كيتقب الرخام
-لا ديالي بقا ولا وجهي تنقا
-خبز الدار ياكلوا البراني

شكرا للأخوين عباس سمامي ،وحميد بركي على مروركما ،وكل عام وأنتما بخير.

تحياتي الخالصة لكما.