على غ اجي وكون.

ماعندي غارض ..
ف اللي رسم خطوط الارض..
ونحلف ليك ..
مامسوق ليها لا من جهة الطول
ولا من جهة العرض..

بيناتنا قسمة نعشوها ..
بيناتنا حكمه ندوقوها..
بيناتنا لذة نتقاسموها
بيناتنا كلمة ..

وانت راك عارف أش تمه...
وهذ لحروف ..
بالوفى ولمحبه نشرفوها ...
حط دمعتك ..
ها دمعتي وعد ..وافي ..
غسل ..يدك
توضا بالما دافي..


وحق المصفي اللي مني خارج..
الغراب لبس منقار بلارج
بربط

دخل وطلب التسليم..
من الشرفه ..
اللي حيرو ويتحيروا ..
بلا بنادر بلا تعارج....
وبالنية شدوا ف الحرفة....

على غ اجي وكون..

نعطيها لك مجنونه بلا جنون
كنز..
في دواخلها مدفون
روح خارجة

دم كحل من غراب

مكلكل مطعون...

مانسكت حتى نحس بوجه النحلة..
تايكر ..تايقول سيدي نعم..
نهار نسكت
غدي يكون حجار النخلة..
طلب السماحه..
وباين عليه ندم

غدي نعرفه لراسوا فهم..

ياك الصغر مازال هناك..
خيال يتراكل..يهدر فيا
ياك مازال ماعديت لهيه من رجليه ..
الحفيانه العافطه
عل شوك السدر ..
والعصفر دماك..
والباق ستر

أنا ف حماك يالمالكاني ..

رخف الحال لمزير..
وأعطيني دواك
أنا ف حماك ..طلق هذ الطوير
طلق الدري غير بعينه يشوف
راه ف الظلمه هالكه الخوف


والعداوا..
هالما خارج..من الجوف .
زهق مع الريح..
والعداوا عل قلبي ..


دماله عامره قيح.
منكواها ماشافت ...قليل..
هذ العين لمكحله بالليل......

وهذ لوذن لمصمكه بالسفرتيح..

الم اليا.

نحن عندنا غرض باش نقولو ليك سنة سعيدة أيها المبدع

العزيز المقتدر مصطفى رضوان ..
كل التقدير والاحترام لرقيك..

المحترمة اسماء محمد..
كل احترامات لك ..وودي.

العزيز محمد بوبكر تقديري دائما...ودي.

الكريم حميد يوسفي...
اتمنى ما تبقى من طريقك ورد...

أخي المفضل

أحيي فيك هذا الألق

بوركت

ودمت

مودتي

مريم الوادي الراقية..
اقدرك وانت تستحقين..
ودي واحترامي.