نقطّــعْ قلبــي كـــــلام....وتســــيل دموعي وزانو
آش دّاني لشي غـــرام....نزيد في قـــلبي حــزانو
آش دّاني ندوق لحرام....وي يوْلّي شاد فيا بسنانو
وتخبّعتْ ورى نمرتي....وقلــــتْ نعبّـــر ما بـــيّا
حطبتْ لعواد لْـلُوعتي....وشعـــلتْ لعوافـي فيّـــا
ماضنّيتْ نزيد فخيبتي....ونـــجـــر شرارها ليّـــا
ودزتْ من بابها نتسارى.شواقي تربــطني ليـــها
مَانيش خفيف يا خسارى.وْ مانيش ساخي بيــــها
أنا لي حرّحكتْ حلامي...وتبعتْ سرابها مجدوب
تعمّقتْ فـبير وهامـــي...وبقيتْ فدواخلي مكبوب
مايكفِنيش نعبّر بكلامي...ومني تهتْ بغيتْ نتوب
يا حسنا زينك يسلبـني....وانـا مضيوم فلّـي فات
حتى من عقلك يعجبني...يا لوكان يّامـــي زهات
عاندتْ حبك يغلبــــني....وتــــهدّيتْ فالهم نــبات
خانتني حروفي في وصافك.زينك بعتر في نقاطها
يالّي بيك يتلف من شافك..وحالتو تقطّع في رباطها
ندوب ونسري في طرافك.ونرجع نحيا في شياطها
شربتْ دموعي مع ريقي..وسايستْ يسترني ماهـــا
كتمتْ حرها في حليقي....ماشاورنيش قلبي وبغاها
حتى آلو مابقات تكفيني....وطلقتْ خطواتي لجيهتكْ
عينيك بحـــور تدّينـــي....ودخلــــتْ مادام بغــــيتكْ
فيك سْراب يغوينــــــي....يســحر .. وبيـــه بغيـــتك
وقلتْ لي فات ينفــعني....ونبدى في عمــر جديــــد
بالهم عامر مايكفيـــني.... ونسد على قلــــبي حـديد
سرحت لحلامي تدّيني.... تاخــــدني لـــحلم بـــعيـد
وقطعت من قلبي كلامو..ودرتْ من دمّـــو مــــداد
يدق معاك في سلامــو....وماسدّيتـــش معاه لعنـــاد
قلتْ خلّيه يعيش حلامو...يكفيه لي قاســــى فلـــبعاد
آلو يا لّي عينـها نجوم....وخدها طريـــق الولهــــان
في قدها الشوف يدوم....وتسيح على طرافها لَلْحان
آلو راني بغيت نــعوم....بحرك يطفي نار المحزان
قالت فسكــاتها كـــلام....يقتل من قلـــبو ضعيـــف
وضحكة خرجتْ بنغام...ودقات شي قلب رهـــيف
جاوبت بقصايد تمــام.... تسـحر في وزن خفيـــف
قلتْ يا زين ما شافـت....عيني وعين كل مـــغروم
يا كّمره نجومي غابت....يا دوى يشافي المـضيوم
حنّي راه روحي دابت....وسالْتْ على ريوس الدوم
