جاي و تتكبر

عدد الرسائل : 442 تاريخ التسجيل : 21/02/2011

خطوة خطوة يا لوليد و شور
على من جاي و تتكبر
هاز راسك ومعفر
جاي تتكبر
على من قراك و كبر
على من اصْبر وصَبٌر
اصغير يا لوليد مهما تكبر
دير عقلك ف راسك وفكر
انت خاو مهما تعمر
شكون ارسم لك الخطوات وسطر
شكون خاد بإيدك
ملي كنت تمشي وتتعثر
شكون حطم على ودك لسوار
اركب مركب واخدم بحار
نام الليل وبات على قبلك محتار
كيف يحميك من لشرار
شكون اقصد الطبيب والعطار
أو قَور لفلوس تقْوار
نسيتي اللي احفر اصخروالثراب بمنقار
وعلى ودك ودع العزوبية والدوار
قاوم ف الكدية وف لوطة وحتى ف لحفار
انسيتي اللي على ودك اخشى يده ف النار
حرقاته كمدها
وكال على ودك كلشي إيهون
ودابة جاي تتكبر وبحالك مفتون
عاجبك راسك ونسيتي شكون
فداك بالروح ولعيون
.