وقفات الكلمة فالعقبة

وقفات الكلمة
فالعقبة
ولا بغات تزيد

نقول ليها طلعي
تقول لي ما نريد

سير بدل ساعة باخرى
ماشي غير اجي و انظم الهضرة

غير قولي لي أش يلزم
و أنا نفد راني مصمم

باغي نكتب و لا باس
و نوصل ما عندي للناس

قالت أول حاجة
خصك تقرا بزاف
و تحكم فن تعاويد الاوصاف
و يكون زادك من الكلام وافي
و تعرف تطرز القوافي

و ملي يكون كل هاذ الشي تمام
تسنى
يمكن يجيك الالهام

و في ذيك الساعة
نحلف ليك على الرقبة
و الله ما نعاود
نوقف ليك فالعقبة



تحياتي

أخي ابراهيم

وقوف الكلمة في العقبة دليل على اختلاف الرأي وعدم وجود البدائل

نص يختزل معالم التألق

دمت طيبا

شكرا سي محمد على تفاعلك


في دارجتنا الجميلة نعبر على '' الاستعصاء '' ب '' الوقوف في العقبة'' .

أن ''يقف '' شخص لآخر في العقبة أو أن تقف ''دابة'' لأحدنا في العقبة أمر . لكن أن تقف '' الكلمة'' في العقبة و تستعصي على '' طلوع'' العقبة إلا بشروط , فهذا يعني أن للكلمة سلطة . و اتمنى أن تسود سلطة الكلمة الحرة النزيهة في بلدنا العزيز هذا .

مرة اخرى شكرا على تفاعلك الجميل .

تحياتي