هاد الليلة ، تفكرت ميمتي
زادت حزاني وسالت دمعتي
بكا القلب
بحال الطفل المفطوم
داخت بيا الدنيا وبقايت مضيوم
ميمتي شحال سهرتي
وشحال بكيتي ملي كنت مريض
ودابا عاد عرفت لفراق شحال شديد
ملي مشيتي
ظلامت عليا الطريق
تمنيت نبقا ناعس ومعمرني نفيق
دابا زاد عذابي
الملحة والسكار في الذات دارو لثار
صبرني يالعالي
على فراق الصدر لحنين والغالي
أنا واقف على قبرك
نقرا القرآن وكانتفكرك
سمحي ليا ميمتي
راه القلب طاب
وعلى فراقك ميمتي
ما حلاو ليا حباب ولا صحاب
هاد الدنيا غدارة
يالفاهم تهلا في ميمتك
باش يتقاد العمر معا صحيحتك
