قـْـدَارْ عـْـمْيَا
مَالكْ آرَاسِي دِيمَا رَاسِي
فْ مْرَاسِي لغِـــــــــــــــــــــــيرْ
ريحْ ضْلالة قَادْتنِي وَاشْ نْدِ يــرْ
مُوجَة غْرَّارَة لاحْتنِي فْ شْط خَالِي
لا حْبَابْ يُومْ الشدَّة سْمْعُونِي
وَلا وْردَة نْسكّنهَا عْيُونـِـــــي
*****
اليُومْ فقتْ مْنْ مْنَامِي
بْعدْمَّا فْ حْلم كُنتْ عَايشْ
لقِيتْ الصّدمَة قدَّامِي
خْيال خَادْعْ وْعْقلْ طـَـايشْ
غِيرْ سِير آقلبي وَانا نْسَايرْك
مْرََّة ترمِيني فْ حُوضْ صَــــــافِي
مرّاتْ بينْ لسُونْ جَارْحَة وْ عْـوَافِي
*****
القلبْ شْرّعْت بْوَابــُــــــو
فْ وْجْه ْطبْعْكْ الغـَــاد ْرْ
رْكْبْ غِيركْ صوَابـُـــــــو
وْ ركْبتِي كْلامْ حـَـــــادْ رْ
الحَالْ اللّي زْدتِي فْ تعَابُو
عْلى نْسيَانكْ قــَـــــــادْ رْ
*****
سَاقتْنِي لِيكْ عـْـلّــة
قدَارْ عْميَا وْ سْعْد نَايــــْـــــحْ
ظنِّيتْ جْوَارْك يْحْلا
تغنْمْ دَاتِي رَاحَة وْ رْوَايــْـــحْ
طَارْ زْوَاقك خــْـــلا
طعْم لمْرَار فْ رْسَامْك صَايْحْ
لازمْ ننْسَاكْ عــْـــــــلّ
نْسْلك مْن بْهَاك الجَايـْــــــــــحْ
العْمْدَة عْلى نُورْ تجلَّى
شمْسْ سَاطعَة وْ صْبَاحْ لايْــحْ
زالْ ضْرِّي مَا وْلــّـى
نْوَارْك طافيَة، وْ لِيلِي رَايــــْحْ
