إستأصال الأورام
بغيت نفهم
مال هاد بنادم
...
فسد و طغى
وما بغى يستسلم
كيف هاد لغلا؟
سؤال جواب منهم
منين و لاش الزيادة كل يوم
لبارح عشرة و ليوم درهم
آش ذنب الخدام
معندوش غارق هموم
في عام يزيدوه سنتيم
معرفوه خاص ولا يتيم
زادو روسهم و نساو خوتهم
خادو لملاين
وخلاو الخوت مرمين
ياك حملو اللافتات
و دارو المظاهرات
لكن لا عين شافت ولا ودن سمعات
و سمعتهم ماهي تخدشات
ياك لفلوس دخلات
و الصنيديقات عمرات
في الشعب ما سوقناش
مات ولا عاش مايهمناش
ضمنا التقاعد
و الشعب بالفقر موعود
شفارت لبلاد
خربوها على لبنات و لولاد
و كحلوها على هاذ لبلاد
هادو لازمهم الإبادة
و نتخلصو منهم ولابد
إلى بغينا نزيدو القدام
لازم نستأصل هاد الأورام
