لاشْ سْلتْ خِيطْ الرّجا؟
رْجانا يْولْولْ كْثارْ تعْياطو
عرجْ مسكين يعْثر فْ خطواتو
من زمان ينْتفْ فْ شعراتو
وَلا منْ يِواسيهْ فْ ضِيقْ حْياتو
ليهْ تْخبّلْ خِيطْ الرّْجا
وهْربْ منُّو لْيَدْ الحلاوة
كانْ لاّوي عْليهْ بْ قجّا
مْحرّمْ عليهْ يشمْ الْهَوى
ملّي حسْ مسكين بْ الْفْجا
سْلتْ لْدارْ الرّْخاوة
تمَّ صابْ هْناهْ وُراحْتو
وُخلّى رْجانا فْ شْكارتو
ڭالُّو وهمسْ ليهْ فْ ودْنِيهْ
راهْ خيطْ الرّيحْ لْهيهْ
هو يليقْ ليكْ وتْليقْ ليهْ
أَنا لْقيتْ دْوى الْعْيَا
وُمالي وْمالْ الْكِيّا
للّي فْ صْباعكْ تقُجْ فِيَّ
سْمْعْ الْكلْمَة وْتْزادْ عْياطو
نوّْحْ بْزّافْ وُشابْ غْواتو
ما بْقى ما يْـتّـنْتْفْ منْ زْغْباتو
شنْقوهْ بْيدْ الرّحمة منْ قْفاتو
هذا حالْ منْ طوّلْ لْسانو
وجْهْرْ بْ الْعاوْجَة فْ زْمانو
