قالت الارض
جاني البرد
جاني المرض
لي على ظهري تمرد
كلا قوتي
شرب قطراتي
ما فكر غير فساعتو
طغى نتف خيراتي
خرب الدار العامرة
هلكني ضرني في داتي
لي سلم،يرد السلام
سلمت
بدرو قوتي حرام
كالو خيري
كددو لعظام
واحد صابتو التخمة
خوا طباسل ليتام
لي كلا وفاضت كرشو
ينسى لي ضلوعو تحسبهم بالتمام
لي بغا شي ركايز صحاح
الغابة ما عندها لاش تصلاح
نشر،قطع،هرس...
كملهــــــــــا ترتاح...
آح ،آح ، آح ...
قالتها الارض
من حر الدخان
من حر السموم
من حر المبيدات
من حر بنـــــــــــــــادم
قالت الارض
جاني البرد
جاني المرض
لي على ظهري تمرد
تا حد ما سلم
لا البر و لا لبحر
كلشي مكدر
حتى لين يا بنادم
و انت تدمر
لي صانك صونو
و لي هزك على ظهرو
عاونو ...عاونو...عاونو...
[center][b]
