.....فين نلقاه ؟

موضوع: .....فين نلقاه ؟ الخميس مايو 31, 2012 7:42 pm

.....فين نلقاه ؟

كترات جراحي
وطال نواحي
قلت نشوف الطبيب
يمكن جرحي يطيب
حارو الاطبا من كترة الادوية
وكَاع الدوايات جربوها فيا
ما نفع مع جرحي دوا
قالو لي: عليك بالكوى
قلت: النار اللي فقلبي مطيّرا لشرار
واش النار كدّاوي النار؟
قالو لي: جرّب زيارة الاوليا
يمكن ضرّك يتخفّف شويّا
ايلا نتا درتي النية
قلت نجرّب
ويلا كان مرضي نفساني
يمكن نرتاح وما نبقا نعاني
زرت جميع الاوليا
لّي نعتوهم ليّا
لكن، الله الله
للضّر مرارة
ما دّاويها الزيارة
ولّيت كيف البوهالي
يّام وليالي
ندور ف الزناقي
نبرّح حتى بحاح حلقي
وعطشي ما رواه كَرّاب ولا ساقي
نصول ونجول
نّادي ونقول:
فين نلقى دوا لدايا يا لحباب؟
ضرت فكل قرية ومدينة
من باب ل باب
قالو لي دواك عند العشاب
مشيت عند العشاب
لّي جرّب كل ماعندو
حتى العود وسرغينة
والجاوي باش يبرّد لغبينة
وف التالي عطاني قرعة صفرا
وقال لي: هادي عشبة مقطّرة
جايا من قلب الصحرا
بيّتها سبع يّام ف السمرة
وشربها سبع يّام قطرة قطرة
ويمكن تبرا
درت براي العشاب
وجرحي ما طاب

لله يا هل الله
جيتكم قاصد
والمقصود الله
وجدات الصّابة
وكلشي حاصد
ولّي ليه شي دّاه
ورضى بالمكتوب
وانا دوايا ما لقيتو فعشوب
ولا هو وارد ف الكتوب
قولو لي يا صحاب لقلوب
فين نلقاه ؟؟؟

ـ سعاد فائزـ

عدد الرسائل : 442 تاريخ التسجيل : 21/02/2011

قصيدة رائعة نالت مني كل الإعجاب.

عزيزتي تجدين مرامك في إيمانك القوي بالله وبقدرته على المستحيل " من يحيي العضام وهي رميم" كلنا مررنا عزيزتي بظروف مرضية قاسية ، لم نجد ‘لا الله، الله وحده هو القادر توجهي إليه بعين دامعة وقلب مرتجف طامع في جوده وكرمه وسترين قدرة الله. أحس أن هذه القصيدة خرجت من معاناة حقيقية وليس خيالا أحس بك أختي وبمعاناتك ، تمسكي بقلمك وواصلي إبداعك سيكون مساعدا قويا على الشفاء، أقول هذا من تجربتي الشخصية. تحياتي أختي وسأنتظر منك المزيد. .

ليس بالضرورة ان يكون النص من سرية المبدعة
ربما هي تتحدث باسم رجل لكي تنفي عن نفسها هذا الجرح
تحية للمبدعة سعاد فايز

فتيحة الدرابي كتب:: قصيدة رائعة نالت مني كل الإعجاب.
عزيزتي تجدين مرامك في إيمانك القوي بالله وبقدرته على المستحيل " من يحيي العضام وهي رميم" كلنا مررنا عزيزتي بظروف مرضية قاسية ، لم نجد ‘لا الله، الله وحده هو القادر توجهي إليه بعين دامعة وقلب مرتجف طامع في جوده وكرمه وسترين قدرة الله. أحس أن هذه القصيدة خرجت من معاناة حقيقية وليس خيالا أحس بك أختي وبمعاناتك ، تمسكي بقلمك وواصلي إبداعك سيكون مساعدا قويا على الشفاء، أقول هذا من تجربتي الشخصية. تحياتي أختي وسأنتظر منك المزيد. .

شكرا عزيزتي فتيحة على تفاعلك مع القصيدة
واحيي فيك احساسك المرهف
اتمناك بالف خير
مودتي الخالصة

» " ضَوّْ أُطَامَعْ نَلْقَاه "