خديت لقلم ودواية باش نسرد شي كلام
دورت عيني فماحدايا نتلهم مابان لي لهام
رجعت عقلي لصبايا فصغري ماكان لي فهام
نلعب فصبحي ومسايا ناكل نغرق فلمنام
ماكان همي فخلاص كرايا ولامنين جاني الطعام
ولا من ضوي وحتى من مايا علامن فاتورتو تقام
فشفى سقامي وشريان دوايا موضوع ماخاصو كلام
وحتى في عيد الضحايا نبغي خروفي من الضخام
ماكان لي هم بويا فلكفايا يخدم يحفاو لو لكدام
ماقال للي اه ماقال كفاية صابر لقساوة ليام
يابا لا تسيئ النوايا على الصغير مرفوعة لقلام
اقل حقك علي الهداية لحسان او طيبة لكلام
ذكرك الرحمان فلاية كرمك علا لك لمقام
طابع رضاك هو الغاية تنقى طريقي تسلام
زجل ياسين الجهوري
