عزيز صدقي
عدد الرسائل : 88 العمر : 63 Localisation : سلا تاريخ التسجيل : 21/12/2009
| موضوع: السبع ما جاب بشارة الخميس يوليو 05, 2012 2:33 am | |
| [center]السبع ما جاب بشارة
ذيب ويعوي ب الحان
وغراب بيض يساوي
موكة تكاد الميزان
و قرد يدندن كناوي
عندنا رعيتي وشبعتي
وبلا حشمة جاي تترنح
عمرت لقنات وتدورتي
وقوق حسيرتنا مسرح
واش زعما
ذكراتك الشيخة فالغناية
ولا زعما
حضرك الحاكي فرواية
الكلام عليك
يا الحادر عينيك
جاي هاز راسك
ضحكت
بانو ضراسك
راكب على راسك
عامر ب كلام خاوي
البخور سلاحك
ها صلبان ها الجاوي
.....................................
مفرعن ونافخ الريش
مريض وباغي تداوينا
على عراضك ما حشمتيش
ولفت الخواض و الروينة
ثرنا ف وجهك وما مشيتيش
مابقا ليك ما تعطينا
قتلت لولاد و ما شبعتيش
غرقتي بينا السفينة
شقينا بيك و ما شقيتيش
باراكا ديكاج علينا
........................................
من اليوم
شمسنا ماتتغطى ب سحاب
من اليوم
وجد جناحك للتقزاب
ذكروها زمان ف الكتاب
عند فورة يظهر الحساب
عند فورة يضهر الحساب
..........................................................
بدمنا عمرتي الشكارة
يا اللي سماوك السبع
ما شفنا منك بشارة
معانا تموت ضبع
ما فادت معاك حزارة
و غدا لقرانك تتبع
ياللي كهمتينا ب الهضرة
يا اللي غذيتينا ب كلام
يا الشاعل ف القلوب جمرة
يا المعومنا فبحور لوهام
..........................................
لابس ثوب التقوى
جابوك بالطبول والمزامر
و ف كل دورة تتلوى
و تحت حزامك لخناجر
كالو الكذوب حيوطو قصار
قادرين اليوم نقفزو عليهم
اليوم رشدنا وما بقينا صغار
و ضرارنا بالكي نداويوهم
اليوم رشدنا وما بقينا صغار
و ضرارنا بالكي نداويوهم تحية للشعب السوري المناضل [/center] | |
|