الكانبو

طار الكانبو
بالفرحة طار
غنى، لعب،
ونشط
واللي صار صار
نسا اللي كان
في القديم عطار
غذار
اصبح ليه جار
رحب بيه
كرمو
ما تفكر السلكة
واش دارو
لسيدنا محمد الكفار
الكَنس لقسيف
يفيق فلبكار
يخطط ويرسم
ياكلك فلمشا ولرواح
كيف المنشار
والكانبو
تسمع ليه
من راس الدرب
لشخار
ما كان يصحاب ليه
الجار
من قبيح فعالو
يصير شفار
خدا الأرض
والما و لبقار
هرس الزيتون
بلثمار
الكانبو فاق وعاق
خدا لحجر
وعاود رسم حدود لدار
قصد فلقبيلة لكبيرة
جماعة لشرار
شي وساه
وبكاو بالدموع لكثار
وشي حلف يرجع ليه حقو
باع لو الدار
بقا الكانبو فالزنقة
يدور عل السور
كيف حمار الطاحونة
فابور
قصد لكانبو خوتو
فالقبيلة الصغيرة
اللي رجعوها بار
عطاوه من لوعود قنطار
صبر وتسنا
حتى غطاه العار