الفكاهي عمر الحسناوي
عدد الرسائل : 121
Localisation : الكارة
تاريخ التسجيل : 17/07/2011
 | | موضوع: موت المرتشي الثلاثاء يوليو 17, 2012 8:27 pm | |
|
مَوْت المُرْتَشي
إنا لله، وكمَّل أنت،
مات المُرْتَشي بالسَّكْتَة،
ودارو في جنازتو موسيقى صَامِتة،
ديال "أروح لِمِين" و "عِشْ أنت"،
وبْكَت عليه الناس بْعَيْن وحدة،
وسالاو البكا بالنُّكْتة،
وطرزو ليه الكفن بالفاسي،
ودارو ليه من الجْيُوب سَتَّة،
لاتكون اللْعَاقة لْهِيه عَاوَدْ ثاني،
وتكون الفلوس عا مْشَتَّة،
اعْطِي للمرتشي زيديه.. زيديه،
ولا يقول لك سِيرْ حَتَّى،
باراكا عليه.. هَزْ إيديه..
مْشَات عليه،
سالات الحَدُّوثة.
تحياتي لكم
الفكاهي و الزجال عمر الحسناوي
جميع الحقوق محفوظة
مطبعةالأندلس الجديدة ـ البيضاء ـ
كتاب:حماقات جحا المغربي.
الطبعة الأولى2011
| |
|
