محمد لبزيز
عدد الرسائل : 55 تاريخ التسجيل : 02/08/2012
| موضوع: ولدي قاري غير التحراميات!!! الثلاثاء سبتمبر 25, 2012 6:53 pm | |
| خسرت ميزانية في الكتب واللباس والأدوات
باش وليدي يقرا يولي مدير ولمنصب في إحدى الوزارات
يكبر ويبرعني ويشبعني ريالات
ساع هو وجهو قاصح قاري غير التحراميات !
**************
كل صباح مو تنوض فيه ساعتين ديال الغوات
دار ليها الحلاقم مسكينة شحفات
حلف ما ينوض حتى ياكل ش دقات
طلع لي الدم بديت كنضرب وكل ضربة فين جات
*************
ضنيت وليدي ادكى مخلوق في الكون
وهو مايفرز بين الباء وبين النون
سولتو على البنت بالفرنسية واش تكون؟
قالي بنت الجيران لابسة الطالون !
*********
اشنو هادي,والله ما قريناها
وهادي,راه حتى هي نقزناها
ياك السوايع الإضافية درناها؟
ولا قراية لا والو شحاجة ما شفناها
********
مالك جاي بكري جاي سخفان
كاين إضراب دارو معانا المزيان
والمعلمة مريضة تزاد عليها الحال في رمضان
الله الله على راحة الله راني فرحان
********
المحفظة عامرة هاز قنطار
واش وليدي مسافر غادي المطار
ضهرو عوا ج راه عيب وعار
وليدي بشر ماشي حمار
********
بغيت ياناس نعرف سباب هاد الكلاخ؟
وليدي مبغ يقرا تبلى بميسي والشماخ
عقلو خاوي بحال دفتر الوساخ
واش العيب في ولا فيه ولا فيهم.راه العقل داخ؟
محمد لبزيز(اسفي).
| |
|
ربيع عامر الغيواني أديب مميز
عدد الرسائل : 1461 تاريخ التسجيل : 27/12/2007
| موضوع: رد: ولدي قاري غير التحراميات!!! الثلاثاء سبتمبر 25, 2012 8:49 pm | |
| فضاحتي هاد الولد عندك اسي محمد تبارك الله عليك | |
|
محمد لبزيز
عدد الرسائل : 55 تاريخ التسجيل : 02/08/2012
| موضوع: رد: ولدي قاري غير التحراميات!!! الثلاثاء سبتمبر 25, 2012 9:02 pm | |
| الله يبارك فيك اخي الكريم ربيع عامر الغيواني.بصراحة انا ممزوجش ومعندي اولاد لكن كنتقمص شخصيات شعبية وكنحاول نعبر على هموم ومشاكل مجتمعنا في قالب زجلي ممزوج بالسخرية والضحك.للاسف ولادنا تاثروا بالمنضومة التعليمية الفاسدة وهدي رسالة باش نصلحوا التعليم ورسالة الاباء باش يهتموا بالابناء ويقومو بالدور ديالهم كاباء ويربو اولادهم احسن تربية.شكرا | |
|
حميد يوسفي شاعر شارك في ديوان" نوافذ عاشقة"
عدد الرسائل : 2177 العمر : 55 تاريخ التسجيل : 26/03/2008
| موضوع: رد: ولدي قاري غير التحراميات!!! الأربعاء سبتمبر 26, 2012 12:07 pm | |
| نص زجلي معبر جدا جدا جدا أستاذ لبزيز واصل نحن في انتظار مثل هته الاعترافات الكلامية الموحية والجميلة وفقك الله | |
|
فتيحة الدرابي
عدد الرسائل : 442 تاريخ التسجيل : 21/02/2011
| موضوع: رد: ولدي قاري غير التحراميات!!! الأربعاء سبتمبر 26, 2012 1:18 pm | |
| استمتعت واستفدت بهذا النوع من الزجل ، الله يعيننا على أبناء هذا العصر، والله ياابني غلبونا معهم. خيال واسع وإلهام إنساني واعي بظروف الحياة والناس .لك مني كل التقدير والاحترام المبدع محمد لبزيز. | |
|
محمد لبزيز
عدد الرسائل : 55 تاريخ التسجيل : 02/08/2012
| موضوع: رد: ولدي قاري غير التحراميات!!! الأربعاء سبتمبر 26, 2012 1:24 pm | |
| شكرا لكم احبابي على دعمكم وتشجيعكم.الله يوفق الجميع | |
|
توفيق بوشري
عدد الرسائل : 596 العمر : 46 Localisation : sidi slimane تاريخ التسجيل : 09/04/2011
| موضوع: رد: ولدي قاري غير التحراميات!!! الأربعاء سبتمبر 26, 2012 11:06 pm | |
| نص زجلي ساخر جميل يمخر عباب إشكالات التعليم والتربية الراهنة، ولعل مثل هذا التناول يدل على أولوية ملحة مشتركة بين جميع لبنات المجتمع ومكوناته انطلاقا من الآباء مرورا بالمدرسة والأساتذة وانتهاء بالخطوط العريضة للسياسة التعليمية...
تقديري أستاذ محمد | |
|
محمد لبزيز
عدد الرسائل : 55 تاريخ التسجيل : 02/08/2012
| موضوع: رد: ولدي قاري غير التحراميات!!! الأربعاء سبتمبر 26, 2012 11:11 pm | |
| شكرا اخي توفيق بوشري .غيرتنا على هدا الوطن تجعلنا نكتب ونعبر قصد ايصال رسالة توعية وتوجيه ونتمنلى ان نلقى ادانا صاغية تستوعب مضمون الرسالة.تحياتي للجميع. | |
|