ولدي قاري غير التحراميات!!!

عدد الرسائل : 55 تاريخ التسجيل : 02/08/2012

خسرت ميزانية في الكتب واللباس والأدوات

باش وليدي يقرا يولي مدير ولمنصب في إحدى الوزارات

يكبر ويبرعني ويشبعني ريالات

ساع هو وجهو قاصح قاري غير التحراميات !

**************

كل صباح مو تنوض فيه ساعتين ديال الغوات

دار ليها الحلاقم مسكينة شحفات

حلف ما ينوض حتى ياكل ش دقات

طلع لي الدم بديت كنضرب وكل ضربة
فين جات

*************

ضنيت وليدي ادكى مخلوق في الكون

وهو مايفرز بين الباء وبين النون

سولتو على البنت بالفرنسية واش تكون؟

قالي بنت الجيران لابسة الطالون !

*********

اشنو هادي,والله ما قريناها

وهادي,راه حتى هي نقزناها

ياك السوايع الإضافية درناها؟

ولا قراية لا والو شحاجة ما شفناها

********

مالك جاي بكري جاي سخفان

كاين إضراب دارو معانا المزيان

والمعلمة مريضة تزاد عليها الحال في رمضان

الله الله على راحة الله راني فرحان

********

المحفظة عامرة هاز قنطار

واش وليدي مسافر غادي المطار

ضهرو عوا ج راه عيب وعار

وليدي بشر ماشي حمار

********

بغيت ياناس نعرف سباب هاد الكلاخ؟

وليدي مبغ يقرا تبلى بميسي والشماخ

عقلو خاوي بحال دفتر الوساخ

واش العيب في ولا فيه ولا فيهم.راه العقل داخ؟

محمد لبزيز(اسفي).

فضاحتي هاد الولد عندك اسي محمد
تبارك الله عليك

عدد الرسائل : 55 تاريخ التسجيل : 02/08/2012

الله يبارك فيك اخي الكريم ربيع عامر الغيواني.بصراحة انا ممزوجش ومعندي اولاد لكن كنتقمص شخصيات شعبية وكنحاول نعبر على هموم ومشاكل مجتمعنا في قالب زجلي ممزوج بالسخرية والضحك.للاسف ولادنا تاثروا بالمنضومة التعليمية الفاسدة وهدي رسالة باش نصلحوا التعليم ورسالة الاباء باش يهتموا بالابناء ويقومو بالدور ديالهم كاباء ويربو اولادهم احسن تربية.شكرا

نص زجلي معبر جدا جدا جدا أستاذ لبزيز
واصل نحن في انتظار مثل هته الاعترافات الكلامية الموحية والجميلة
وفقك الله

عدد الرسائل : 442 تاريخ التسجيل : 21/02/2011

استمتعت واستفدت بهذا النوع من الزجل ، الله يعيننا على أبناء هذا العصر، والله ياابني غلبونا معهم.

خيال واسع وإلهام إنساني واعي بظروف الحياة والناس .لك مني كل التقدير والاحترام المبدع محمد لبزيز.

عدد الرسائل : 55 تاريخ التسجيل : 02/08/2012

شكرا لكم احبابي على دعمكم وتشجيعكم.الله يوفق الجميع

نص زجلي ساخر جميل يمخر عباب إشكالات التعليم والتربية الراهنة، ولعل مثل هذا التناول يدل على أولوية ملحة مشتركة بين جميع لبنات المجتمع ومكوناته انطلاقا من الآباء مرورا بالمدرسة والأساتذة وانتهاء بالخطوط العريضة للسياسة التعليمية...

تقديري أستاذ محمد

عدد الرسائل : 55 تاريخ التسجيل : 02/08/2012

شكرا اخي توفيق بوشري .غيرتنا على هدا الوطن تجعلنا نكتب ونعبر قصد ايصال رسالة توعية وتوجيه ونتمنلى ان نلقى ادانا صاغية تستوعب مضمون الرسالة.تحياتي للجميع.