رُدْ بَالَكْ فْ لْفَايْسْبُوكْ

رُدْ بَالَكْ فْ لْفَايْسْبُوكْ

****************

الفَايْسْبُوكْ فَاعِلْ خِيرْ

جَامَعْ كْبِيرْ وُصْغِيرْ

اللِّي بَاغِي يَوْعَا وْيَقْرا

وُاللِّي كَ يْقَلَّبْ عْلىَ مْرَا

اللِّي بَاغِي يَحْرَگْ لْ بَرَّا

وُاللِّي غَاوِي الشَّاطْ وُلْهَضْرََة

اللِّي دَايِرْ فِيهْ قِيْسْ

وُاللِّي حَاطَّة صُورَةْ عَبْلَة

هُوَّ كَابَرْ فْ لْغِيسْ

هِيَّ بَايْرَة

خَايْبَة وْهَبْلَة

هُوَّ مْشوْمَرْ عَاطَلْ

وْهِيَّ دَافْعَة كْبِيرْ

فِ ِلْفَايْسْبُوكْ

يْمَجْدُوكْ يْرَفْعُوكْ

يْحَطُّو قَدْرَكْ وُيْسبُّوكْ

يْوَسْخُوكْ وُيْصَبْنُوكْ

فِيهْ فْخَاخْ فِيهْ مْخَاخْ

فِيهْ صَمْتْ وُصْرَاخْ

بِينْ لْبَايَعْ وُالشَّارِي

كَايِنْ حْذَفْ

وْكَايِن شِيرْ

فِيهْ حُرِّيَّةْ التَّعْبِيرْ

فِيهْ لَفْقِيهْ يَفْتِي وُيْتِيهْ

فِيهْ الشِّيخْ شَادْ لْبَنْدِيرْ

وُاللِّي نَاشِدْ التَّغْيِيِرْ

فِيهْ لْبَرْگَاگْ يَكْوِي لْغِيرْْ

فِيهْ لَحْفِيرْ فِيهْ التّْقَنْطِيرْ

رُُدْ بَالَكْ حْرَسْ حَالَكْ

يََمْكَنْ تَسْلَمْ يَمْكَنْ طِّيرْ

المريني ادريس

القصر الكبير بتاريخ : 19 / 09 / 2012

تحية لكلامك
من قوامها يبان مقامك
زجال كبير محكم فلجامك
طرايف ونصايح محبوكة بقلامك
متعة وحكمة ونغمة متعك الله بأيامك

تقديري أستاذي المريني ادريس

ونفس الملاحظة: القصائد الزجلية تنشر في جامعة الزجالين المغاربة.

في الرابط التالي أستاذي:https://j-m-m.yoo7.com/f4-montada

عدد الرسائل : 534 تاريخ التسجيل : 07/02/2008

هذا الركن مخصص للدواوين الورقية

لهذا غيرناه الى ركن الزجالين المغاربة

موضوع: رد الإثنين ديسمبر 03, 2012 11:48 am

للخيال متعة النظم بعد محاصرة المضمون في زاوية تذيق مساحتها سيولة مداد قلم
عبر صور كشف من خلالها أخينا المبدع ادريس هدير بحر تتعالى فيه الأمواج كيد المد
لتعود حيث مستقرها جزرا ، وللتنبيه الفني قدره في صحة القول : رد بالك ف لفايسبوك
نص جميل وممتع ... تحيتي لك