آنَا لْمَكْوِي

موضوع: آنَا لْمَكْوِي السبت أكتوبر 13, 2012 1:05 pm

[center]آنَا لْمَكْوِي

*********************

آنَا لْمَكْوِي بِغْرَامَكْ

سْبَانِي قَدَّكْ وُقْوَامَكْ

مَنْ يُومْ رَمْْقَتْنِي عْيَانَكْ

ذْبَحْتِينِي بْ شْفَارِكْ

وُسْحَرْتِينِي بَكْلاَمَكْ

لاَسْمَاحَة لِيكْ يَا لْقَلْبْ

نَارَكْ فِيَّا شَاعْلَة

وُنْتِ عْلِيَّا غَافْلَة

جَاهْلاَنِي وْتَتْسَلاَّ

غِيرَكْ لِيَّا مَاحْلاَ

رَانِي نَبْكِِي وْنََنْذَبْ

لاَسْمَاحَة لِيكْ يَا لْقَلْبْ

وُقْتَاشْ قَلْبَكْ يَرطَابْ

يْخلَّصْنِي مَ لَّعْذَابْ

يَطْفِي نَارِي وُلْهَابْ

وَآشْ كَاتْبَة لِيَّاكْتَابْْ

وْدَايْرَاْهْ لِيَّا حْجَابْ

أَوْمْقَدَّرْ مُكْتَابْ

لاَسْمَاحَة لِيكْ يَا لْقَلْبْ

سْْهَامَكْ صَابَتْ دْخَالِي

نَسَّاتْنِي هْلِي وُخْوَالِي

خَلاَّتْنِي نْهُومْ وُنْلاَلِي

فِي وُسْطْ مَّاجْ كَتْشَالِي

وْمَانِي عَوَّامْ يَاغْزالِي

لاَسْمَاحَة لِيكْ يَا لْقَلْبْ

النَّاسْ تْبَاتْ نَايْمَة

وَآنَا جْفُونِي صَايْمَة

لِلنُّومْ دِيمَا مْخَاصْمَة

عَاسَّة عْلِيكْ مْرَاقْبَاكْ

لاَسْمَاحَة لِيكْ يَا لْقَلْبْ

كِِيفْ نْعِيشْ بْلاَبِيكْ

وََآمَالِي مْعلْقَة عْلِيكْ

وََآشْ مَاعَزِّيتْ عْْلِيكْ

رَانِِي مَازَالْ نَرْجَاكْ

يُومْ يَتْحَدَّدْ مَلْقَاكْ

وْلاَسْمَاحَة لِيكْ يَا لْقَلْبْ.

المريني ادريس

القصر الكبير بتاريخ : 09 / 10 / 2012

[/center]

موضوع: تعقيب السبت أكتوبر 13, 2012 4:36 pm

تبارك الله عليك السي ادريس المريني
لا سماحة يا هوى
منك باغي نداوى
لا سماحة للحرف
اللي ما يقطر حلاوة
بارك الله في طواع الكلمة

محمد حلوبي - آسفي آنَا لْمَكْوِي 317780

تحية بجمال العشق في قصيدتك أستاذي ادريس المريني، وكما قال أستاذي الجميل محمد حلوبي: لا سماحة للحرف اللي ما يقطر حلاوة...

تقديري واعتزازي...

ملاحظة: هذا القسم خاص بالنشر الورقي لدوواين الزجل. أما القصائد فتنشر في قسم جامعة الزجالين المغاربة/ تجده في منتصف المنتديات.

شكرا لك أيها المبدع.