حَالــــــــــــــــــــــــــي

حَالي
شفَّاني حَالَكْ يَا حَالي
الله يَعْفو
يَهيجْ هْبالَكْ يَطْلَعْ هْبَالي
وسْوَاكَنْ ما رَخْفو
رَدْ بَالَكْ يَابالي
رَاهُمْ يَشَتْفو
يَبيعْها ليكْ ويَشْرهالِي
وتْقَلْ عل كَتْفو
وَاليكْ يا واليكْ بلا والي
ف لْحَزَّة نَسْفو
السالَكْ مَا راعا لَمْسالي
لا نْزَلْ عَطْفو
يَاعَارَكْ تْمَعَّنْ سْئَالي
لاَتْوَدَرْ صَرْفو
مَنْ عْبَاركْ لْخالي خَالي
طْبَلْ لَخْوا جوفو
سَوَّلْتَ حَالي ونَا مالي
لَجْوابْ ماعَرْفو
شَفْتِ وشُوفة مَا تَحْلالي
كُلْهَا غَطا طَرْفو
ومَالَكْ يَاحَالي تْزيدْ ثْقَالي
ودْموعي نَشْفو
خْبَالَكْ حَزْمة ف خْيَالي
مَنْ جَا ليهْ يَنْتفو
ف نْسَاكْ نْسَى مَا يَجْرَالي
وجْدورَكْ يَخَلْفو
كلْ مَنْ ضْحَكْ تْگولْ دْيالي
ف سَاعة يَغَيَّرْ حَرْفو
جَمْرة گادْية ف دْخالي
والله يعْفو
البعليوي عبد السلام

مرحبا سي البوعليوي
أتحفتنا بهذا النص الرائع شكرا لك

mohamed zitoni كتب:: مرحبا سي البوعليوي
أتحفتنا بهذا النص الرائع شكرا لك

الله يرحب بك الفاضل سيدي محمدزيتوني

حال ينطق عن اختمار تجربة السي عبد السلام، ككل مرة أقرأ لك: تركيز جميل ربما هو تلقائي بحكم معاشرة "الكلام ومعانيه" قلت تركيز جميل على التصوير العميق وحتى في بضع صور مباشرة ضرورة دون إهمال الموسيقية والدندنة الزجلية.

كل المودة والتقدير

أخي المبدع البعليوي عبد السلام
ان كل ما تكتب من نصوص زجلية فهي تحضى باهتمامي واعجابي
وأقدر فيها مستوى البناء الشعري وتوظيف أجمل الكلمات واحترام وزن القافية
كل ذلك يشد المتلقي متجولا بين سطور النص حتى آخر كلمة منه
انه سحر نظم لكلام (يعني تمعلميت)...

مشرف عدد الرسائل : 1048 تاريخ التسجيل : 26/05/2007

عودة ميمونة لزجالي جامعة المبدعين المغاربة
سعدنيا بلقياتكم مرة أخرى
مرحبا سي بن عيسى الحاجي
مرحبا سي البوعليوي عبد اليلام