رجل الغد؟؟!!!

عدد الرسائل : 55 تاريخ التسجيل : 02/08/2012

[center]رجل الغد؟

كيف غادي ندير أنا اشنو هو المعمول؟

خرجت من الدراسة ومصيري باقي مجهول

المشاكل كثرت ومبقا عندي حلول

الأبواب تسدت في وجهي ومبق لي ما نقول

*********

فشلي في هاد الحياة كانت ليه شلا أسباب

بسبابها ناض لي الشيب وشرفت أنا في عز الشباب

صغير أنا ذقت جميع أنواع العذاب

تحملت المسؤولية ما نفعني لا أهل ولا احباب

********

بين الفقر ومشاكل الدارشبابي ضاع

والدي ديما مخاصمين ديما في الصداع

لقايت راحتي في شارع وختا عايش في صراع

الحزن ما فارقني والهم في قلبي ملق تيساع

*******

ندور في الزناقي وقاتلني الجوع

ندور وعيني تبكي بالدموع

عييت مندوي وكلامي كعما مسموع

صابر وما راضيش بالرجوع

********

سمحوا لي يا ناس ال تبليت بالسرقة والحشيش

راكم عرفتو ظروفي لا تلومونيش

راني كنت من الحلال انا باغي نعيش

هدي سنة الحياة الزهر معنديش

********

ياربي تلطف بينا*تعفو علينا من هاد الحال

لطريق الخير تهدينا*ويكون رزقنا حلال

طفولتنا ضاعت وعلى العذاب مقدرناش

بغينا نخدموا بلادنا ومكرهناش.

محمد لبزيز(اسفي)

زجال وكاتب كلمات اغاني

الهاتف 0669356456

.

</blockquote>[/center]

نص زجلي محكم البناء متقن الى حد الجودة العالية

عدد الرسائل : 442 تاريخ التسجيل : 21/02/2011

بوركت يا اخي محمد لبزيز، لسان حالك ينطق عن واقع مر يعيشه شباب اليوم.

انطلبوا من الله إيبدل الحال

إيتقطع الراشي من لحبال

ويكونوا اولادنا ارجال

قادرين إيحقوا المحال

.ويعيشوا حياتهم ف لحلال

مرة أخرى أقول لك أسعدت كثيرا بالقراءة لقلم واعد وهادف تحياتي.

عدد الرسائل : 55 تاريخ التسجيل : 02/08/2012

شكرا لكم على كلماتكم الجميلة واتمنى ان اكون في المستوى.بصراحة هاته القصيدة كتبتها بقلبي وليس بقلمي كتبتها وانا اتاسف لحال الاطفال المتشردين خصوصا في هدا الجو البارد.اطفال بدون ماوى بدون لباس.......... ياربي تشوف من حالهم.

استمتعت بمضمون هذا النص كلمة ومعنى
مزيدا من العطاء في الكتابة والابداع
مودتــــــــــي

» لاكتشاف شعراء الغد