الشهدا
بسم الله العالي باش نبد /بها تسكاد لقوال أو لفعال
والصلاة عل النبي لبدة /حاضرة معاها ما تنزال
تعالى احديا تدي فايدة /مزال ساعتك فالدنيا تطوال
كلام نرويه ديرو عدة /ليام صعابت ياك كثرت لهوال
تعالى خوي نديرو كعدة /الوقت شيانت واللي صارماكان عل بال
قصة نحكيها ليوم أو غدا /ما نعياش بها ول لساني يتقال
قصة رجال الوعدة / داهموا الليل قلدة وفحال
كالوا كلمة مسكدة /شقت صوار الخوف كالزلزال
اطرطقت فالسما رعدة /رشت الرعب فجيوش الإحتلال
رجال الخيل والشدادة /ركبت الوط وشقت الجبال
ضربت العدو بالفرادة /حد الزعامة مابق ماينكال
جيش منظم والعدادة /حبال الخوف ما دركت الرجال
صح القلب والكبدة / يجيب الحق يصنع المحال
شعار الموت والشهادة /كان لهم فال وطريقهم سهال
حب الوطن ياك عبادة /فدواه بدمهم أو زادوا المال
ياك خلاوا جيوش العد كسدة / فوق كسدة ما خفاكم حال
أنوال وغيرها شاهدة /صورة محققة ماشي خيال
دكرى فالعقل خالدة / وتاريخ تفخر به الأجيال
ياك اليوطي دا يفاده /ثعلب عل الشداد باغي يحتال
دار من الغدر وسادة /وعيون مخفية القتيل فيها حلال
يحساب الغشم هدا /لساع العقل والرزانة الميزان ثقال
نطلب العالي يرحم الشهدا / جميع اللي ماتوا نساء ورجال
عبد العالي الوالي ميسور